१२ जेष्ठ २०७३, बुधबार ०७:१४ 
जेठ १२, काठमाडौं । फिल्म जादुगरको सिक्वेल बन्ने भएको छ । याक इन्टरटेनमेन्ट प्रालिको प्रस्तुतिमा कलाकार तथा निर्देशक महादेव त्रिपाठीको ‘जादुगर-२ जोकर’ बन्ने भएको हो ।
काठमाडौँको कमलादी गणेस्थान मन्दिरमा भएको शुभमुहर्त कार्यक्रममा १४ अंचल ७५ जिल्लाका बालबालिका हरुलाई लिएर बनाएको चलचित्र ‘जादुगर’को सफलता पछी महादेव त्रिपाठीले ‘जादुगर २ जोकर’ लिएर आएको बताएका छन् ।
–
कार्यक्रममा नायक तथा निर्देशक महादेव त्रिपाठी, बरिष्ट गायक आनन्द कार्कीm गायिका सुनिता दुलाल, गायक भरत समारी, ध्रुब बिस्कोको उपथिती थियो ।
–
‘जादुगर २ जोकर’ फिल्मको लेखन विशेष पन्तले गरेका हुन् भने यस चलचित्रमा चर्चित जादुगर, हास्यकलाकार तथा कुशल अभिनेता महादेव त्रिपाठी, विश्वका होचो कलाकार दिपेन शाह, सुरेन्द्र केसी, शिव शंकर रिजाल, अन्जु थापा, बाल कलाकार रिहानराज गिरि, नवराज श्रेष्ठ, मेरी बास्सै कि अप्सरा, राजेन्द्र गिरि, विनोद राई, बिशेष पन्त, र नव नायिका सिम्पल खरेलको अभिनय रहने भएको छ ।
–
त्यस्तै यस चलचित्रका निर्मातामा राजन उप्रेती, भास्कर श्रेष्ठ, संगीता लामा हुन् भने यस चलचित्रका छायांकन मधुर बस्नेतले गर्ने भएका छन् ।साथै द्वन्द सम्राट बस्नेत र गीत संगीतकारहरुमा सुगम पोखरेल, टंक बुढाथोकी र ध्रुब बिस्को रहेका छन् ।
