१७ जेष्ठ २०७३, सोमबार २३:०२ 
जेठ, काठमाडौं । नायक अनमोल केसी अभिनिति फिल्म गाजलुको लण्डन प्रिमियरमा अनमोल बिना नै सम्पन्न भएको छ । हेमराज वीसीको निर्देशनमा बनेको ‘गाजलु’को प्रिमियरमा फिल्मको नायक अनमोल नै नदेखिँदा कार्यक्रममा केहि खल्लो महसुस गरीएको छ ।
प्रिमियरमा निर्माता रोहित अधिकारी, कलाकार प्रशान्त ताम्राकार ,नायिका श्रृष्टी श्रेष्ठ सहभागि भएका थिए। तर फिल्मका नायक अनमोल केसी भने शोमा उपस्थित थिएनन्। उनी केही दिन अगाडि मात्र ‘ड्रिम्स’को शो सकेर बेलायतबाट नेपाल फर्किएका थिए ।
–
निर्माता अधिकारीले चलचित्रको प्रिमियर शोमा दर्शकहरुले चलचित्र मनपराएको र पोजेटिभ रेस्पोन्स दिएको बताएका छन्। नेपालमा जेठ २८ गतेबाट रिलिज हुने फिल्म गाजलुमा अनमोल केसी,श्रृष्टी श्रेष्ठ ,सलोन बस्नेत,गौरव पहारी,मेनुका प्रधान,रीतिक शाहीको मुख्य अभिनय रहेको छ।
