२४ जेष्ठ २०७३, सोमबार ०६:०९ 
जेठ, काठमाडौं । चलचित्र ‘म त तिम्रै हुँ’ को ट्रेलर सार्वजनिक गरीएको छ । नयाँ कलाकारहरुको अभिनयमा निर्माण भएको यस चलचित्रलाइई नायिका तथा निर्मात्री सुस्मिता बमजमले निर्माण गरेकी हुन् ।
राजधानीमा आयोजित पत्रकार सम्मेलनमा सार्वजनिक गरीएको चलचित्रको ट्रेलरमा यूवापूस्ता लक्षित प्रेमकथा देखाईएको छ । निर्मात्री बमजमका अनुसार चलचित्र युवापुस्तालाई लक्षित गरी बनाइएको छ । युवापुस्ताको प्रेमकथालाई चलचित्रमा समेटिएको उनको भनाई छ । नायक अनमोल केसी र सुवास थापाले चलचित्रमा लगानी गरेका छन् । चलचित्रलाई श्रीराम महत्तले निर्देशन गरेका हुन् ।
–
चलचित्रमा आकाश श्रेष्ठ, जीवन भट्टराई, सुशन खड्का, अनुपम श्रेष्ठ, अर्जुन खड्का, ज्योत्स्ना योगीको मुख्य भुमिका रहेको छ । साउन ७ गतेबाट यो चलचित्र देशभर रिलिज हुनेछ ।
