३१ जेष्ठ २०७३, सोमबार ०२:२९ 
जेठ, काठमाडौं । अभिनेता राजेश हमाल तेस्रो लिंगी भएर अभिनय गरेको फिल्म ‘सकुन्तला’को अडियो ‘जुक बस्क’ सार्वजनिक गरीएको छ । उक्त जुक बक्समा तिन वटा गीत समावेश छन् । ‘कोही छ’, ‘मेरो मुटु’ र ‘यो मुटु भन्दा’ बोलको तिनवटा गीत समावेश छन । गीतमा अर्जुन पोख्रेलको संगीत रहेको छ ।
सार्वजनिक तिन गीत मध्ये ‘कोही छ’ बोलको गीतमा दुर्गा खरेको आवाज, डाक्टर कृष्ण हरी बरालको शब्द रहेको छ । त्यस्तै ‘मेरो मुटु’ बोलको गीतमा अन्जु पन्त र सत्यराज आचार्यले स्वर दिएका छन् भने बिजय सिवाकोटीको शब्द रहेको छ । त्यस्तै ‘यो मुटु भन्दा’ बोलको गीतमा युवराज चौलागाई र आकांक्षाको स्वर रहेको छ भने दयाराम पाण्डेको शब्द रहेको छ ।
–
भदौ १० गते देखी प्रदर्शनमा आउने सकुन्तलामा राजेश हमालको साथमा अनु शाह, किशोर खतिवडाको मुख्य भुमिका रहेको छ ।
–
दिनेश श्रेष्ठ निर्देशीत सकुन्तलाको चर्चा छायांकन देखी नै हुँदै आएको छ । राजेश हमालको फरक भुमिकाले गर्दा यो फिल्मले केहि चर्चा पाएको छ । चर्चा पाए अनुसार फिल्मले व्यापार गर्ला या नगर्ला त्यो भने भदौ १० पछि नै थाहा होला ।
