३२ जेष्ठ २०७३, मंगलवार ०५:५६ 
जेठ, काठमाडौं । फिल्म ‘अचानो’ बन्ने भएको छ । नायिका बर्षा सिवाकोटीलाई निर्देशक राजु अधिकारीले ‘अचानो’ बनाउने भएका हुन् ।
–
आशुत्तोष फिल्मस् प्रा.ली.को प्रस्तुतीमा बन्ने अचानोमा ओम बस्नेत, रिना आचार्य (बस्नेत) र केशव दाहालले लगानी गर्नेछन् । यस अघि निर्देशक अधिकारीले फिल्म ‘सुब्बा साब’ निर्देशन गरीसकेका छन् । ‘सुब्बा साब’ प्रदर्शन हुन बाँकी छ ।
सोमबार राजधानीमा अचानो फिल्म निर्माणको घोषणा सँगै भएको कार्यक्रममा ‘असत्यको बाटो’ बोलको गीतको म्यूजिक भिडियो पनि सार्वजनिक गरिएको थियो । महेन्द्र मैनालीको यथार्थ घटनाहरुलाई समेटेर तयार पारिएको भिडियोमा महेन्द्र मैनाली, राजन थपलिया, स्टु कार्की, बिष्णु धितालले अभिनय गरेका छन् ।
गीतमा डाक्टर कृष्णहरि बरालको शब्द र रमेश खड्काको संगीत रहेको छ । भिडियोलाई राजु अधिकारीले निर्देशन गरेका हुन् । कार्यक्रममा गीतकार डाक्टर कृष्णहरि बराल र निर्माता सरोज शर्मालाई सम्मान पनि गरिएको थियो ।
