१८ असार २०७३, शनिबार ०६:५४ 
असार, काठमाडौं । बालकलाकार अनुभव रेग्मीले आफ्नो जन्मदिन मनाएका छन् । आफ्नो उत्कृष्ट अभिनय बाट नै चर्चामा आएका अनुभवले आजबाट १० बर्ष पुगेका छन् । काठमाडौंको अर्याल होटलमा आयोजित जन्मदिन बिशेष कार्यक्रममा बिभिन्न सिनेकर्मिका साथमा अनुभवले केक काटेका थिए ।
अनुभवको जन्मदिन बिशेष कार्यक्रममा आमा कविता रेग्मी र बुवा अरुण रेग्मी सहित निर्देशकहरु विकास आचार्य, सविर श्रेष्ठ, मुस्कान ढकाल, मोडल तथा नायक पल शाह, नायिका वर्षा राउत, सिनेम्याटोग्रफर पुरुषोत्तम प्रधान लगायत उपस्थित थिए ।
–
‘ए मेरो हजुर २’ उपहार
बालकलाकार अनुभव रेग्मीले जन्मदिनमै ‘ए मेरो हजुर २’ उपहार पाएका छन् । अभिनेत्री झरना थापाले निर्देशन गर्ने पहिलो फिल्म ‘ए मेरो हजुर २’ मा चर्चित बाल कलाकार अनुभव रेग्मी अनुबन्धित भएका हुन् । अनुभवलाई अग्रिम पारिश्रमीक रकम दिदैं झरना र निर्माता सुनिल कुमार थापाले फिल्म खेल्ने सहमती पत्रमा हस्ताक्षर गराए ।
–
फिल्म साउन २० गते बाट छायाँकन हुने बताइएको छ ।
