८ श्रावण २०७३, शनिबार ०७:४६ 
साउन, काठमाडौं । गायिका उमा श्रेष्ठ र गायक प्रकाश कटुवालले तिज गीतबाट घरबार जोड्ने कुरा गर्दैछन् । भर्खरमात्र सार्वजनिक एक तिज गीतमा गायक कटुवाल र गायिका श्रेष्ठले तिज अघिनै घरबार जोड्न खोजेका हुन् ।
‘सिताराले भरिएको घुम्टो ओडेर’ बोलको तिज गीतमा गायक कटुवालले नै संगीत भरेका छन् । साथै गीतमा बिनोद ढकालले शब्द भरेका छन् । भिडियोमा शंकर बिसी र सुष्मा अधिकारीले अभिनय गरेका छन् । भिडियोमा राजेश घिमिरेको छायांकन छ भने नविन घर्ति मगरले सम्पादन गरेका हुन् ।
–
गायक प्रकाश कटुवालले यसैबर्षको अर्को तिज गीत पनि बजारमा ल्याएका छन् । केहि साता अघि मात्र सार्वजनिक भएको ‘वन पिस’बोलको गीतपनि दर्शक माझ लोकप्रिय बन्दै गएको छ । कटुवालले गतबर्ष ‘ढाडे बिरालो’ बोलको गीत निकालेका थिए । जुन गीत विवादमा पनि आएको थियो ।
