राजु परियार र राधा तिवारीको तिज गीतको छायांकनस्थलमा पुग्दा (फोटो फिचर)

साउन, काठमाडौं । नारीहरुको महान चाड हरितालिका तिज नजिकिँदै गर्दा यतिखेर बिभिन्न मठमन्दिर, पार्टि प्यालेसहरुमा प्रायजसो तिजगीतको छायांकन भईरहेका छन् । शनिबार चर्चित गायक राजु परियारको स्वरमा रहेको एक तिज गीत छायांकन भइरहेको थियो । काठमाडौंको बसुन्धरास्थित गोधुली फुडल्याण्डमा आर्टिस्ट खबर डटकमको टिम पुग्दा छायांकन युनिट निकै ब्यस्त देखिन्थ्यो । जहाँ चर्चित गायक राजु परियार र चर्चित मोडल सुस्मा कार्कीलाई पनि सँगै भेट्यौं ।
‘छमछमी’ बोलेको तिज गीतमा राजु परियारको साथमा गायिका राधा तिवारीको स्वर रहेको छ । यस बर्षको तिजमा अन्य गीतमा खासै स्वर नदिएका राजुले आफुलाई यस गीत निकै मनपरेकोले स्वर दिएको बताए । पछिल्लो समय गीतमा पनि बिकृती आउन थालेकोले गीत छानेर गाउनु परेको उनको भनाई थियो ।
तिजमा लगाईने ‘पोते’, ‘तिलहरी’, ‘सारी’ लगायतका शब्द राखेर बनाइएको यस गीतले तिजको झल्को मेटाउने र संस्कृति जोगाउने कुरा गरेको गायिका राधा तिवारीको भनाई छ । पछिल्लो समय तिज गीत भनेर भल्गर शब्द राखिएकोमा गायिका तिवारीपनि यस्ता कुरामा असहमति जनाउने प्रतिक्रिया दिइन् ।

गीतमा अभिनय गरीरहेका मोडल राज क्षितिज र सुष्मा कार्कीले पनि गीत मन परेकोले अभिनय गरेको बताए । अन्य गीतमा प्राय छोटो लुगामा देखिने मोडल सुष्मा यस तिज गीतमा सारीमा देखिएकी छिन् ।

गीतमा संगीतकार नविन रावलले संगीत भरेका छन् भने भिडियोलाई राजेश तिमिल्सिनाले निर्देशन गरेका हुन र छायांकन श्रीकृष्ण फुँयालको रहेको छ ।  यसै साता भित्र भिडियो बजारमा आउने बताइएको छ ।