१० भाद्र २०७३, शुक्रबार २०:३७ 
भदौ, काठमाडौं । जापानको टोक्योमा हुने तिज महोत्सब कार्यक्रमका लागी नेपाल बाट कलाकारको टोली जापान पुगेको छ । यहि अगस्ट २८ तारिखमा ‘म नेपाली ग्रुप जापान’ले गर्न लागेको उक्त कार्यक्रममा नेपालबाट गायक प्रकाश कटुवाल, गायिका सुनिता दुलाल र गायक बैकुण्ठ महत जापान पुगेका हुन् ।
यस अघि गायिका जमुना सनम पनि कार्यक्रममा जाने भनिएता पनि बिशेष कारणले जापान जान नसकेको बताइएको छ । उनी नेपाल बाहिरै रहेको र जापानको भिषा बिदेशबाट नलागेको कारण जान नसकेको बताइएको हो । आयोजकका अनुसार गायिका जमुनासनमलाई अर्को कार्यक्रममा छिटटै नै नेपाली दर्शकमाझ बोलाउने छन् ।
–
टोक्योमा अगस्ट २८ र ३० मा हुने कार्यक्रममा पहिलो कार्यक्रम ‘तोसिमा कुमिन सेन्टर’ हलमा र दोस्रो कार्यक्रम ‘मेगुरो कुमिन सेन्टर’ हलमा हुने आयोजकले बताएको छ ।
आर्टिस्ट खबरले तयार पारेको कार्यक्रम प्रोमो हेर्नुहोस् ।
