१३ भाद्र २०७३, सोमबार ०७:५१ 
भदौ, काठमाडौं । बिगत लामा समय देखी गीत संगीत क्षेत्रमा सेलाएकी गायिका अप्सरा काप्री (शाक्य)ले २ एल्बम लिएर आएकी छिन् । लामो समयदेखी लण्डनमा बस्दै आएकी अप्सराले ११ बर्ष पछि दुई एल्बम लोक आधुनिक गीतिसंग्रह ‘कति राम्रो’ र तिज गीत एल्बम ‘झल्को’को बिमोचन गरेकी हुन् ।
आज (सोमबार) मिडिया इन्टरनेशनलमा बिमोचन कार्यक्रम गर्दै अप्सराले आफ्नो देश, संस्कृतिको मायाले आफुँलाई पुनः गीत संगीतमा तानेको र गीतसंगीत अनि नेपालको माया सधै मनमा भएकोले यी संस्कृतिले भरीपुर्ण गीत बजारमा ल्याएको बताइन् । देश भित्रै भन्दा देश बाहिर जाँदा आफ्नो देशको माया अझ धेरै हुने भएकोले पनि उनलाई गीतसंगीतले तानेको र गीतमा पनि देशको मायाका कुरा जोडिएको बिमोचन कार्यक्रममा बताइन् ।
एल्बम बिमोचन कार्यक्रममा मिडिया इन्टरनेशनलका अध्यक्ष माधव निर्दोशको अध्यक्षतामा भएको उक्त कार्यक्रम गीतकार एवं पुर्व अर्थमन्त्री शंकर प्रसाद कोइरालाको प्रमुख आतिथ्यतामा सम्पन्न भएको थियो । प्रमुख अतिथि कोइरालाले प्रदेशमा रहेर पनि नेपाललाई माया गरेर, गीतसंगीतलाई माया गरेर एल्बम निकालेकोमा गायिका अप्सरालाई धन्यवाद एवं शुभकामना दिएका थिए ।
सो कार्यक्रममा संगीतकार सन्तोष श्रेष्ठ, संगीतकार एवं एरेन्जर बुद्ध सायमी, गायक तिलक बम मल्ल, मोडल सिमोन दाहाल लगायतको उपस्थिती थियो ।
