१९ भाद्र २०७३, आईतवार ०७:५६ 
भदौ, काठमाडौं । प्रत्येक बर्ष हुँदै आएको नेफ्टा अवार्ड यसबर्ष पनि हुने भएको छ । यसपटकको नवौं नेफ्टा अवार्ड पनि बिदेशमा हुने घोषण गरीएको हो । ‘चलचित्र प्राविधिक संघ’को आयोजनामा हुने यस ‘नेफ्टा फिल्म अवार्ड’को नवौं संस्करण यसबर्ष भने दुबईमा हुने घोषणा गरीएको हो ।
तिनबर्ष देखी लगातार बिदेशमा हुँदै आएको नेफ्टा अवार्ड यस बर्ष पनि दुबईमा हुने आईतबार राजधानीमा एक कार्यक्रमका बिच घोषणा गरीएको हो । नेफ्टा बर्तमान अध्यक्ष पुष्कर लामा र दुबईको लागी मध्यस्तकर्ता बनेका स्पेक्ट्रम एड्भरटाईजिङ एण्ड मिडिया कन्सल्टेन्टका तर्फबाट राजकुमार भट्टराईले कार्यक्रमको उद्धेश्य तथा बिदेशमै अवार्ड गर्नुको कारण प्रष्ट्याएका थिए ।
आउँदो डिसेम्बर २३ अर्थात पुस ८ मा हुने अवार्डको लागी नेपालबाट सय भन्दा बढी फिल्मकर्मि र सञ्चारकर्मिहरु जाने बताइएको छ । बिगतको बर्षमा ३४ विधामा हुँदै आएको अवार्डमा यो बर्षभने २८ बिधामा मात्र अवार्ड दिने जानकारी दिइयो ।
तारेहोटलमा सम्पन्न कार्यक्रममा बिभिन्न फिल्मकर्मिहरुको उपस्थिती रहेको थियो । कार्यक्रममा बोलेका बक्ताहरुले अवार्ड बिदेशमा नै गर्नुपर्ने कारणमा नेपाली फिल्मको बजारलाई बिदेशी बजारसम्म पनि पुर्याउनु पर्ने लाई जोड दिएका थिए । साथै कार्यक्रममा चलचित्र निर्देशक संघका बर्तमान पदाधिकारीहरुलाई सम्मान गरी एको थियो ।
