२८ जेष्ठ २०७२, बिहीबार २२:४१ 
जेठ, काठमाडौं । बुद्धका आखा हेर शालिन छन अझै, बोलको गीतको म्युजिक भिडियो सार्वजनिक गरिएको छ । राजधानीको ववरमहल स्थित आर्ट काउन्सिलमा एक पत्रकार भेटघाट कार्यक्रमको आयोजना गरी म्युजीक भिडियो सार्वजनिक गरीएको हो । सार्वजनिक गरिएको गीतमा पत्रकार मधु शाहीको शब्द रहेको छ भने आवाज ज्योती प्रकास र जुना प्रसाईको रहेको छ त्यस्तै संगीत पनि ज्योति प्रकास कै रहेको छ ।
बरिष्ट संगीतकार तथा नेपालका पहिलो म्युजिक भिडियो डाईरेक्टर शम्भुजित बासकोटाले भिडियोको बिमोचन गरेका हुन् । त्यसतै म्युजीक भिडियो लाई सञ्चारकर्मी अर्जुन के आरले निर्देशन गरेका हुन् । छायांकन र सम्पादन कमल प्रसाईले गरेका छन् । उक्त देश भक्ति गितको भिडियोमा दिपकराज गिरी दिपाश्री निरौला, निर्मल शर्मा गैडा, जितु नेपाल मुन्द्रे, झरना थापा, सुरवीर पन्डित लगायतको अभिनय हेर्न पाईन्छ । युट्युवमा सार्वजनिक भिडियो ४ मिनेट ४ सेकेण्ड लामो छ ।
भुकम्प पछि आएका बिपदका भिडियोहरु मध्ये आफुलाई यो भिडियो उत्कृष्ट लागेको सगीतकार शम्भुजीत बाँसकोटाले सबैका सामु प्रतिक्रिया दिए । त्यस्तै दिपाश्री निरौलाले पनि यो टिमसँग भिडियोमा काम गर्दा आफुलाई रमाईलो लागेको प्रतिक्रिया दिईन । त्यस्तै कार्यक्रममा उपस्थित अन्य कलाकारहरुले पनि भिडियो उत्कृष्ट बनेको प्रतिक्रिया दिएका थिए ।
Watch Music Video
