७ आश्विन २०८१, सोमबार १४:०० 
काठमाडौं । गायन रियालिटी शो ‘द भ्वाइस अफ नेपाल सिजन ५’ की प्रतियोगी सामना घतानीले नयाँ गीत ‘भाग्य खोटो छ’ सार्वजनिक गरेकी छिन् । भ्वाइसको ब्याटर राउण्डसम्म पुगेकी सामनाले आफ्नो युट्युव च्यानल सामना घतानीमार्फृत गीतको भिडिओ सार्वजनिक गरेकी हुन् ।
गीतमा शब्द कसम खातीको रहेको छ भने कम्पोज रबिन भुसालले गरेका छन् । एरेन्जको काम बिशाल निरौलाले गरेका छन् । भिडिओमा सामना आफै फिचर्ड छिन् भने भिडिओ जोन राईले सम्पादन गरेका हुन् । गीतलाई लिएर गायिका सामना उत्साहित छिन् । गीत निकाल्न खासै हतार नगर्ने सामनाले यो गीत पनि पाँच महिनापछि सार्वजनिक गरेकी हुन् । सामनाले अहिलेसम्म तीन वटा गीत गाइसकेकी छिन् । यस अघि उनले केहि कभर गीत पनि गाएकी छिन् ।
‘सानैदेखी संगीत मन पर्ने भएकाले रियालिटी शो हुँदै यहा सम्म आएकी हुँ । नशा नशामा संगीत भएपछि छोड्न सकिदैन ।’ गायिका सामनाले आर्टिष्ट खबरसँग भनिन् । ‘अहिले सार्वजनिक गीतलाई दर्शक तथा स्रोताले माया गरिदिनुहुनेछ भन्नेमा आशावादी छु ।’
