३० कार्तिक २०८१, शुक्रबार १८:१८ 
काठमाडौँ । लोकप्रिय गायक नेत्र भण्डारीले नयाँ गीत सार्वजनिक गरेका छन् । आधा मुटु बोलको गीतमा उनीसँगै गायिका शान्तिश्री परियारको स्वर रहेको छ । गीतमा रमेश परियारको शब्द रचना तथा गायक भण्डारीको संगीत छ । रिजन नेपालको युट्युब च्यानलकाट सार्वजनिक भएको गीतलाई कृष्ण केसीले एरेञ्ज गरेका हुन् ।
अभिनेता सुशान्त कार्की र मोडल तथा अभिनेत्री गरिमा शर्माको अभिनय रहेको म्युजिक भिडिओ ‘आधा मुटु’ मर्मस्पर्शी छ । एक जोडीकामे प्रेम, विवाह र डिभोर्सको कथा गीतमा समेटिएको छ ।
म्युजिक फिल्मी शैलीमा निर्माण भएको गीतको भिडिओमा जेरी भण्डारीको निर्देशन, कथा र पटकथा रहेको छ । नवराज उप्रेतीले छायांकन गरेको भिडिओमा सुजन कोइरालाको भिइ, सिजी, जीएफएक्स र भिएफएक्स रहेको छ ।
