२ मंसिर २०८१, आईतवार ०९:०२ 
काठमाडौँ । नयाँ गीत ‘पिरतीले सल्काइदेउ’ सार्वजनिक गरिएको छ । सार्वजनिक गीतमा कृष्ण भटराई र नितु पौडेलको आवाज रहेको छ । रोमान्टिक गीतमा लोक राईको शब्द तथा बाबुल गिरीको संगीत र एरेन्ज रहेको छ । गीतको भिडिओ सविन कुमार तोलाङ्गीले निर्देशन गरेका हुन् ।
भिडिओमा साया भण्डारी, अनुराग थपलिया, प्रिन्स युवराज कार्की र रानु कार्कीको अभिनय देख्न सकिन्छ । भिडिओमा करण सिंह चैसिरको छायांकन, सन्देश वि.कको कोरियोग्राफी,पदम सुवेदीको सम्पादन रहेको छ । प्रिन्स युवराज कार्की निर्माता र अभिनेता रहेको चलचित्र तेलभिसा यहि मङ्सिर ७ गतेबाट प्रदर्शनमा आउने तयारीमा रहेको छ।
भिडिओको कार्यकारी निर्माता शिवराज कार्की छन्, भने प्रिन्स युवराज कार्की र रानु कार्की निर्माता रहेका छन् । कमल प्रसाद शर्माको निर्माण संयोजन रहेको म्युजिक भिडिओमा भुवन श्रेष्ठ व्यवस्थापकमा रहेका छन् । भिडिओ तपस्या युट्युब च्यानल मार्फत सार्वजनिक गरिएको छ ।
