१५ मंसिर २०८१, शनिबार १८:३० 
काठमाडौं ।नयाँ नेपाली चलचित्र रंगीको छायांकन सकिएको छ । यो चलचित्रको सम्पूर्ण छायांकन २६ दिनमा पुरा भएको निर्माण टिमले जनाएको छ । सान्भी इन्टरटेनमेन्ट प्रालिको व्यानरमा निर्माण भइरहेको ‘रंगी’को प्रस्तुतकर्ता सलोन बस्नेत हुन् ।
सुरेश न्यौपानेको ‘डेब्यू’ निर्देशन रहेको चलचित्रमा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, र विशाल पहारीको अभिनय रहनेछ । ३० दिनको समय तालिका लिएर छायांकनमा गएको चलचित्र निर्धारित समयभन्दा ४ दिनअघि नै इन्डक्ल्याप भएको हो ।
निर्देशक न्यौपानेसँग चलचित्र ‘छक्का पन्जा’, ‘ए मेरो हजुर २’, ‘यात्रा’, ‘म यस्तो गीत गाउँछु २’, ‘कृ’लगायतका चलचित्रमा मुख्य सहायक निर्देशनको अनुभव छ । सक्षम सुवेदीको निर्माण रहेको चलचित्रमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, कविराज गहतराज र शिशिर खातीको कोरियोग्राफी तथा केवलमान सिंह बस्नेतको प्रोडक्सन छ ।
