१७ पुष २०८१, बुधबार १३:०९ 
काठमाडौँ ।नयाँ नेपाली चलचित्र ‘मायाबी’को नयाँ गीत सार्वजनिक गरिएको छ । चलचित्रको पहिलो गीत ‘त्यो माया हो’ सार्वजनिक भएसँगै सकारात्मक प्रतिक्रिया आइरहेका छन् । फागुनको १४ गतेबाट प्रदर्शनमा आउने तयारीमा रहेको यो चलचित्रको सार्वजनिक गीतको भिडिओमा मुख्य दुई कलाकारहरु नायक पल शाह र नायिका दीपिका प्रसाँइको प्रेम अनुभुती हेर्न सकिन्छ । सफ्ट शैलीको यो रोमान्टिक गीतमा पल र दीपिकाले एक अर्कामा प्रेमको भावना पोखेका छन् । यो गीतमा एसडी योगी र सदीक्षा कट्टेलको स्वर, राम अविरल बिष्टको शब्द, एसडी योगीकै संगीत छ ।
सार्वजनिक गीतको भिडिओलाई कविराज गहतराजले कोरियोग्राफी गरेका हुन् । राजु विक्रम थापाको चलचित्रमा डीओपी छ भने मिलन श्रेष्ठ फिल्मको सम्पादक हुन् । यो चलचित्रमा दिवाकर भट्टराइको कथा, लेखन तथा निर्देशन छ । चलचित्रमा ध्रुव न्यौपाने, राज कटुवाल र चन्द्र पन्तको लगानी छ । प्रविण भट्टराई र करण सिंह कार्यकारी निर्माता रहेको चलचित्रमा मञ्जु भण्डारी, राजु पराजुली र सुमित ओलीको सह–निर्माण छ ।
चलचित्रमा पल र दीपिकाको साथमा प्रशान्त ताम्राकार, सुशिल सिटौला, करिश्मा श्रेष्ठ, लक्ष्मी गिरी, अञ्सु महर्जन, राजाराम पौडेल, रवि डंगोल, राम प्रसाई, दीपेन्द्र सिम्खडा, संगीता सिलवालको अभिनय छ । यो चलचित्रमा शम्भुजित बास्कोटा र एसडी योगीको संगीत, साहिल खानको ट्रेलर छ । चलचित्र ‘मायाबी’ले प्रेम र मित्रताको आभाष दर्शकलाई गराउने निर्देशक भट्टराइको विश्वास छ ।
कमेडी, एक्सन र पारिवारिक फिल्म चलिरहेको समयमा नेपाली फिल्मले कही कतै लभ स्टोरी फिल्मको अभाव महशुश गरिरहेको छ । यसलाई ‘मायाबी’ले पुरा गर्ने अपेक्षा गर्न सकिन्छ ।
