१८ पुष २०८१, बिहीबार १२:५६ 
काठमाडौँ । बालगायक सचिन परियारको बिहीबार बिहान १० बजे निधन भएको छ । महाराजगञ्जस्थित टिचिङ अस्पतालमा उपचारको क्रममा उनको निधन भएको उनका बुबा तेजेन्द्र परियारले जानकारी दिएका छन् ।
हास्य श्रृखला ‘मेरी बास्सै’मा पनि अभिनय गरेका उनको ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायत गीत चर्चित छन् । उनले पहिलोपटक गाएको गीत ओँठ खोलेर सार्वजनिक भएको ठ्याक्कै चार बर्षमा उनको निधन भएको छ । उक्त गीत २०२१ को जनवरी २ मा सार्वजनिक भएको थियो ।
