१४ माघ २०८१, सोमबार १२:४९ 
काठमाडौँ । गायक खेम सेन्चुरी र मेलिना राईको स्वरमा नयाँ लोकगीत ‘सल्ले वनको डल्ले च्याउ’ सार्वजनिक गरिएको छ । शनिबार राजधानीमा आयोजित एक कार्यक्रमका बीच यो गीतको भिडियो रिलिज गरिएको हो । नेत्र अर्यालको शब्द रचना रहेको गीतको भिडिओमा प्रभात पाल ठकुरी, उषा उप्रेती, बद्री प्रसाद तिवारी, कमलमणी नेपाल, जानकी परियार लगायतका कलाकारको अभिनय रहेको छ । भिडिओलाई सुनिल बिकले निर्देशन गरेका हुन् ।
गीतको भाव अनुसार नै गीतको कथा बुनिएको निर्देशक बिकले गीत रिलिज कार्यक्रममा बताएका छन् । यो भिडियोको पोष्ट प्रोडक्सनको काम आगामी चैत्र २२ गतेबाट प्रदर्शनको तयारीमा रहेको चलचित्र ‘वसन्त’ निर्माण कम्पनि गलबन्दी प्रोडक्सनमा गरिएको हो । निर्देशक सुनिल वसन्तका मुख्य सहायक निर्देशक समेत हुन् ।
ब्ल्याक बी पिक्चर्सको युट्युब च्यानलबाट सार्वजनिक गरिएको भिडिओमा बुद्ध थापाको सिनेमाटोग्राफी, रोशन विश्वकर्माको कोरियोग्राफी, राजेन्द्र मोक्तानको रंग सयोजन, प्रविन भट्टको सम्पादन रहेको छ । शनिबार सार्वजनिक गरिएको म्युजिक भिडिओ सल्ले वनको डल्ले च्याउ निर्माणमा सहयोग गरेको भन्दै निर्देशक सुनिल बिकले विशाल सुनार, कमल सुनार र दिन श्रीरिषप्रति आभार प्रकट गरेका थिए ।
