रेखा र सबिनको ‘हिरो रिटर्न्स’को अडियो गीत सुन्नुभयो ?

मंसिर, काठमाडौं । नायिका रेखा थापा र नायक सबिन श्रेष्ठ अभिनित चलचित्र ‘हिरो रिटर्न्स’को अडियो गीत सार्वजनिक गरिएको छ । आशिष भेटवालको निर्देशनमा तयार भएको यस चलचित्रमा समावेश सार्वजनिक शिर्ष गीतमा टंक वुढाथोकीको शब्द, संगीत र स्वर रहेको छ ।

गीतमा टंकको साथमा गायिका मनिषा पोखरेलको स्वर रहेको छ । चलचित्रमा चन्द्र पन्तको एक्सन छ भने कथा, पटकथा तथा संवाद शिवम् अधिकारीको छ । मित्र गुरुङको सम्पादन, मदन काश्यप घिमिरे रहेको चलचित्रमा चन्द्र गौतम, सहदेव गौतम र भिम न्यौपाने लगानी छ ।

–
अमित श्रेष्ठ चलचित्रका कार्यकारी निर्माता रहेका छन् । सार्वजनिक गीत दर्शकले सुन्नसाथ मुखमा झुण्डिने खालको भएकाले पनि चलचित्र युनिट गीत राम्रो चल्नेमा आशवादी रहेको बताएको छ ।