१९ चैत्र २०८१, मंगलवार १६:१२ 
काठमाडौँ । दृश्यमा देखिएका यी हयण्डसम मोडल हुन् सुशान्त ढकाल । जसले हालै बलिउड गीत तुजमे खोया तुजमे पायाको म्यूजिक भिडियोमा काम गरेसँगै चर्चामा छन् । र यो दृश्य हो सोही बलीउड गीत तुजमे खोया तुजमे पायाको म्यूजिक भिडियोको ग्राण्ड प्रिमियरको । हालै मोडल सुशान्त ढकाल बडीगार्डसहित जमलमामा रहेको विश्वज्योति सिनेप्लेक्समा देखिए । त्यो पनि ३ जना बडिगार्डसहित ।
बलिउड गायक सोनु मिश्रको स्वर रहेको गीतमा सुशान्तसहित चर्चित सुन्दरी मोडल सृष्टि खड्काको पनि अभिनय देख्न सकिन्छ । हालै भिडियोको प्रिमियर गरिएको भएता पनि भिडियो भने नयाँ वर्षको अवसर पारेर मात्र रिलिज गर्ने तयारी रहेको मोडल सुशान्त बताउँछन् ।
निकै नै कम मात्रामा छानेर मात्रै अभिनय गर्ने सुशान्त बलिउड गीत तुजमे खोया तुजमे पायामा काम गरेपछि निकै उत्साहित देखिन्छन् । भन्छन् निर्देशक नितिन चन्द दाईका कारण बलिउड गीतमा काम गर्ने अवसर पाएँ । निकै खुशी लागेको छ । भारतीय निर्माताहरुले पनि मेरो प्रोफाइल देखेर मलाई कामको अफर दिनुभयो । भोलीका दिनमा पनि यस्ता कामहरु आउँदा आँफु गर्न तयार भएको सुशान्त बताउँछन् ।
