१९ चैत्र २०८१, मंगलवार १७:४१ 
काठमाडौँ । नेपाली चलचित्र क्षेत्रका दिग्गज वक्तित्व महानायक राजेश हमालको उमेर र चलचित्रलाई जोडेर कहिलेकाहीँ चर्चा हुनेगर्छ । मजाक गर्न रुचाउने हमाललाई कसैले अन्तर्वार्ता वा कुनै कार्यक्रममा उमेर सोधिगए हाँस्दै २५ बर्ष भनेर टार्दिने पनि गर्छन् ।
यस्तै उमेरका सन्दर्भमा हमाल भन्छन् मेरो उमेर कति पुग्यो वा मसँग अभिनय गर्ने जोडी बन्ने कलाकारसँग कति उमेर अन्तर छ भन्ने विषयमा चर्चा गर्नुभन्दा हामी त्यो पात्रमा कस्तो देखिएका छौँ भन्ने विषयको चर्चा हुनु पर्छ ।
किनकि पर्दामा कलाकारको उमेर नभई अभिनय हेरिन्छ र हामी कहाँ एउटा कलाकारले यति उमेरसम्म मात्र अभिनय गर्न पाउने भन्ने पनि छैन । यहाँ केही कलाकारले लामो समयसम्म आफूलाई अभिनयमा सक्रिय बनाएका छन्, म त्यही मध्येको एक हुँ ।
