एलीनाका भाइ भन्छन्, दिदी जीवित फर्केर आउँछे जस्तो लागेकै थिएन

काठमाडौँ।  एलीना चौहानका भाइ भन्छन्, ‘दिदी अस्ट्रेलियाबाट जीवित फर्केर आउँछे जस्तो लागेकै थिएन ।’ पुर्वपती विष्णु सापकोटासँगको बिछोडको विषयमा सफाइ दिँदा दिँदै थाकेकी एलीना एक अन्तर्वार्तामा आफ्नो भाइसहित देखिएकी छन् ।  उनका भाइले थप सफाइ दिँदै भनेका छन्, ‘अस्ट्रेलिया गएपछि नै दिदीले हाम्रो भिडियो कल नै उठाउदैनथी । त्यती हामीले शङ्का गरेका थियौ । पक्कै केही भइरहेको छ जस्तो लाग्थ्यो । नभन्दै दिदी अन्यायमै परेकी रहिछे । अनुहारको नीलडाम हामीले देख्छौ भनेर फोन नउठाएकी रहिछ ।  धन्न दिदी सकुसल फर्केर आई । उनका भाइ भावुक हुँदै भन्छन् अहिले दिदी हासेको देख्दा हामी सबै खुसी छौ ।’

यता एलीना  भन्छिन्, ‘परिवारको आडले नै म बाचे । अब विवाह गरे भने ममी बाबाले रोजेको केटासँग मात्रै विवाह गर्छु ।’  एलीनाको विवाह भएको एक वर्ष नपुग्दै डिभोर्स भयो । विवाहपछि श्रीमान्सँग अस्ट्रेलिया गएकी उनी २ महिना नबस्दै नेपाल फर्किएर आइन् ।

उनी नेपाल आए लगतै ओशोको शरणमा पुगीन् यही बेला धेरैले उनको सम्बन्धमा खटपट आएको शङ्का गरेका थिए । पटक पटक मिडियाले सम्बन्ध बिग्रिएको हो भन्दै प्रश्न गरे पनि  एलीनाले विवाह भएको केही समय मात्रै भएका कारण खुलेर भन्न सकिनन् । झुट बोलिरहिन् । तर वास्तवमै उनी सम्बन्ध बिग्रिएर नेपाल आएकी रहिछन् ।