११ फाल्गुन २०७३, बुधबार १४:३७ 
<p><b>फागुन, काठमाडौं ।</b> बलिउड अभिनेता आमिर खानले भारतीय चलचित्र ‘सेल्युट’ मा अन्तरिक्षयात्रीको भुमिका निभाउने भएका छन् । भारतका पहिलो अन्तरिक्षयात्री राकेश शर्माको बायोपिकमा मुख्य भूमिका निभाउने आमिरको यो भुमिका बारे केहि समयअघि देखी नै चर्चा चल्दै आएको थियो । अहिले आएरमात्र आमिरनै फाईनल भएको भारतीय मिडियाहरुले बताएका छन् । चलचित्रको नाम पनि अहिले आएर ‘सेल्युट’ फाइनल गरिएको बताइएको छ ।</p><p>भारतिय मिडियामा समाचार आएअनुसार आमिरले यस चलचित्रमा अभिनय गर्ने भनेपछि उनका फ्यान उत्साहित छन् । ‘ठग्स अफ हिन्दुस्तान’ को काम सकेर आमिरले यो चलचित्रको काम सुरु गर्नेछन् । यस चलचित्रका बारे एक–दुई वर्षदेखि नभएर ८ वर्ष अघिदेखि कुरा चलिरहेको छ ।‘डेकन क्रनिकल’लाई अन्तर्वार्ता दिँदै राकेश शर्माले आमिर फाईनल भए पनि अरू कुनै कलाकारहरु पनि फाइनल भएको छैन ।</p><p>चलचित्रमा आमिर खान फाइनल भए पनि बाँकी स्टारका बारेमा केही जानकारी छैन । अहिले स्क्रिप्ट पनि लक गरिसकिएको छैन । शर्मा भन्छन्, ‘मलाई थाहा छैन, मेरो जीवनको कुन हिस्सा चलचित्रमा देखाइने हो ।’</p><p>एजेन्सी । </p>
