१९ फाल्गुन २०७३, बिहीबार ०३:१२ 
<p><b>फागुन, काठमाडौं ।</b> हेमराज बिसिले निर्देशन गरिरहेका सिनेमा ग्याङ्गस्टार ब्लुजको रिलिज मिति हेरफेर भएको छ । छांयाकनमै रहेको उक्त सिनेमाले यसअघि आफ्नो रिलिज मिति २०७४ को भदौ २३ गते रिलिज हुने भनिएको थियो । छांयाकनका लागी नेपालगंजमा रहेका सिनेमाका निर्माता सरोज न्यौपाने अब सिनेमा भदौ २ गतेनै रिलिज गर्ने बताएका हुन् । </p><p>अनमोल केसी स्टारर सिनेमा कृ को रिलिज मिति फेरबदल भएसंगै यस सिनेमाले पनि आफ्नो रिलिज मिति बदलेको हो । अनमोल अभिनित कृ र आफ्नो सिनेमा युवा पुस्ता लक्षित भएकाले सिनेमाको मिति हेरफेर गरिएको निर्माता न्यौपानेले बताए । ‘दशैमा कृ आउने भनेकाले हामीले भदौ २३ लाई आफ्नो रिलिज मिति तोक्या’ै निर्माता न्यौपानेले टेलिफोन कुराकानीमा भने ‘कृ भदौ ९ गते आउने भएपछि हामीले त्यसको एक हप्ता अगाडीनै सिनेमा रिलिज गर्ने निर्णय गरेका हौं ।’ </p><p>यसअघि अनमोलले अभिनय गर्ने भनिएको यस सिनेमामा अहिलेका उदयियमान प्रतिभा भनिएका आशिरमान देशराज मुख्य भुमिकामा देखिदैछन् । सिनेमामा आना शर्मा, संयम पुरी, प्रमोद अग्रहरी, रोजिशा शाही ठकुरी लगायतको मुख्य भुमिका रहने छ । केही समय अघि मात्रै छांयाकनमा निस्किएको यस सिनेमाले आफ्नो ४० प्रतिशत छांयाकन सक्काईसकेको छ ।</p><div><br></div>
