३ चैत्र २०७३, बिहीबार ०४:३१ 
<p><b>चैत,काठमाडौं।</b> नेपाल–भारत मानव विकास एवं मैत्री संघ, काठमाडौ र भारत–नेपाल मानव विकास एवं मैत्री संघ, अरुणाञ्चल प्रदेश भारतको संयुक्त आयोजनामा राजधानीमा ‘नेपाल र अरुणाञ्चल प्रदेश, भारतको सांस्कृतिक कार्यक्रम’हुने भएको छ। यहि शुक्रबार र शनिबार दुई देशको संयुक्त सांस्कृतिक कार्यक्रम सुरु हुने जानकारी दिइएको छ। ।</p><p>कार्यक्रममा अरुणाञ्चल प्रदेशका कलाकारहरुले ८ ओटा विभिन्न नृत्यहरु प्रस्तुत गर्नेछन् । कार्यक्रमका लागि भारत नेपाल मानव विकास मैत्री संघ, भारतका अध्यक्ष खान्डु थुँगनको नेतृत्वमा ५७ जना कलाकारको टोली बुधबार साँझ नै काठमाडौआएको जनाइएको छ। त्यस्तै नेपालका तर्फबाट सांस्कृतिक संस्थान राष्ट्रिय नाचघरले हुड्केली र थारु नृत्य, भारतीय संस्कृतिक केन्द्र, भारतीय दुतावास, काठमाडौंले दुई ओटा नेपाली नृत्य र काठमाडौंबाट स्थानीय नेवार समुदायले एक नेवारी नृत्य प्रस्तुत गर्ने बताइएको छ। <img src="http://artistkhabar.com/uploads/posts/c7c3175c5decee7b79e5b09fe784409b1489638602.jpg" style="width: 768px;"></p><p> कार्यक्रम शुक्रबार भृकुटीमण्डप स्थित बगैंचामा १ बजे बाट सुरु हुनेछ भने रत्नपार्क स्थित शान्ति बाटिकामा शनिबार १ बजेबाट साँढे तीन बजेसम्म संचालन हुने नेपाल भारत मानव विकास एवं मैत्री संघ काठमाडौ, सांस्कृतिक विभागका संयोजक संजयबाबु ढकालले बताएका छन्। </p>
