४ चैत्र २०७३, शुक्रबार ०६:५५ 
<p><b>चैत, काठमाडौं।</b> चलचित्र 'छक्का पन्जा' को सिक्वेल को रुपमा बन्ने भएको चलचित्र 'छक्का पन्जा २' को नाम परिवर्तन गरेर अब 'छक्का पन्जा फेरि' भएको छ। </p><p>केहि दिन अगाडि घोषणा गरिएको यो चलचित्रमा अभिनय गर्नका लागि 'ड्रिम्स' नायिका साम्राज्ञीराज्यलक्ष्मी शाह र प्रदीप खड्का लाई अफर गरिएको थियो। तर साम्राज्ञीराज्यलक्ष्मीले अस्विकार गरेकी बुझिएको छ भने प्रदीपले कुनै जवाफ दिएका छैनन् ।खवरअनुसार साम्राज्ञी अहिले कोरियोग्राफर रेनशा वान्तवा राइको निर्देशन रहने चलचित्र ‘इन्टु मिन्टु’मा काम गर्दैछिन् ।यस चलचित्र र 'छक्का पन्जा फेरि'को छायाँकन समय जुध्ने भएकाले उनले अफर अस्विकार गरेको हुन् सक्ने बताइएको छ। </p><p> दीपकराज गिरी को निर्माण तथा दीपाश्री निरौलाको निर्देशनमा बन्न लागेको यस चलचित्रको छायांकन बैशाखबाट सुरु हुने बताइएको छ। चलचित्रमा 'छक्का पन्जा' का सबै कलाकारहरु रहनेछन्। </p>
