६ चैत्र २०७३, आईतवार ०५:४६ 
<p><b>चैत, काठमाडौं ।</b> नवगायिका सुस्मिता मगर र गायक कपिल मगरले नयाँ लोक तथा दोहोरी गीतको छायांकन गरेका छन् । युवापुस्ता लक्षित ‘सेक्सी जवानी’ बोलको लोक तथा दोहोरी गीतको शुक्रबार छायांकन सकिएको छ । <br></p><p>बिगत एकबर्ष देखि लोक तथा दोहोरी गीतको क्षेत्रमा आधा दर्जन गीतहरु गाइसकेकी सुस्मिताले नै यस गीतमा शब्द लेखेकी छिन् । साथै गीतलाई संगीत भर्नेकाम भने गायक कपिललले नै गरेका छन् । फनपार्क भक्तपुरमा छायांकन भएको यस गीतको म्युजीक भिडियोलाई बिक्रम चौहानले निर्देशन गरेका छन् भने करन जैसिरले खिचेका हुन् । भिडियोमा गायक कपिलको साथमा मोडल रिना थापाको अभिनय रहेको छ ।</p><p><img src="http://artistkhabar.com/uploads/posts/e1c8efd8cdf69036f0b9a26b99db89df1489902387.jpg" style="width: 800px;"><br></p><p>गायिका सुस्मिताले आजभन्दा एकबर्ष अघि मारुनी डिजिटल रेकर्डिङ स्टुडियोबाट ‘जवानीमा भुलाउँछौ’ बोलको लोक तथा दोहोरी गीतबाट आफ्नो सांगितीकयात्रा शुरु गरेकी थिइन् भने गायक कपिलले गीत गाउँन थालेको आधा दशक पुगिसकेको छ । कपिलले तिम्ले मलाई छोड्यौ भने बोलको आधुनिक गीतबाट सांगितीक यात्रा शुरु गरेका थिए । साथै कपिलले पछिल्लो ६ महिना यता गीतहरुमा मोडलिङ पनि गर्न थालेका छन् । </p><p>पछिल्लो समय नेपाली लोक तथा दोहोरी गीतमा पनि स्टेजबेश गीतहरु बजारमा आउन थालेका छन् । गीत बजारमा ल्याइसकेपछि आम्दानी गर्ने बाटो नभएकाले पनि स्टेजबेश गीतले स्टेज चढ्न सजिलो हुने भएकाले यसको जमात बढी देखिन्छ । </p><div><br></div>
