१३ चैत्र २०७३, आईतवार ०७:०६ 
<pre style="text-align: justify; "><b>चैत, काठमाडौं ।</b></pre><p style="text-align: justify; ">'उठी खर काटी बसी खरकाटी‘, 'झ्याम्मै चौतारी मायाँ लाउँभने छैन दौंतरी‘, 'सक्रान्ति बजार‘, 'पिपलै छायाँ‘, 'यो मेरो देश‘ लगायतका कैयौं चर्चित गितहरु गाएकी गायिका कविता आले पहिलो एकल साँझ लिएर दर्शक माझ आउने भएकी छिन्। नेपाल मगर सांस्कृतिक संघ र सांस्कृतिक संस्थान (राष्ट्रिय नाचघर)को संयुक्त आयोजनामा गायिक कविता आलेले १४ चैत सोमबार मध्यान्न १२ बजेबाट काठमाडौंको जमल स्थित राष्ट्रिय नाचघरमा आफ्नो पहिलो एकल साँझ प्रस्तुत गर्नेछिन्।</p><p style="text-align: justify; "> एकल साँझमा उनले आफ्ना उत्कृष्ट १४ ओटा गीत प्रस्तुत गर्ने बताएकी छिन्। साँझमा उनलाई स्वरमा अग्रज गायक गणेश रसिकदेखि छत्र गुरुङ, तारा थापा लगायतले साथ दिने छन् । गायनका क्रममा प्रत्यक्ष बाद्यबादनमा सांस्कृतिक संस्थानका कलाकार र नेपाल मगर सांस्कृतिक संघका कलाकारले प्रस्तुत गर्ने छन् । </p><p style="text-align: justify; "> साँढे तीन दशक देखि गायनमा सक्रिय आलेले एक सय भन्दा बढी गीत गाएकी छिन् । साथै उनले तीन दर्जन भन्दा बढी चलचित्र र त्यो भन्दा बढी टेली चलचित्रमा अभिनय समेत गरिसकेकी छिन्।</p>
