१४ श्रावण २०७२, बिहीबार ००:१९ 
साउन, काठमाडौं । फिल्म ‘नाई नभन्नू ल ४’ मुख्य भूमिकाका लागि अन्ततः मोडल पल शाह फाइनल भएका छन् । हिरो बन्नका लागि भ्याकेन्सी आह्रवान गरीएकोमा हजारभन्दा बढी अनुहारबाट निर्माण टोलीले पललाई मुख्य भूमिकाका लागि छनोट गरेको हो । निर्माण युनिटले मोडल पलमा कथाले मागेजस्तो बिशेषता भएकोले छनोट गरीएको बताएको छ ।
“फिल्मको कथामा इनोसेन्ट र चकलेटी अनुहार भएको हिरो चाहिएको थियो त्यो हामीले पलमा भेट्यौं”, निर्देशक बिकास आचार्यले भने । पलले अहिलेसम्म करिब डेढसय भन्दा बढी म्युजीक भिडियोमा मोडलिङ गरीसकेका छन् ।उन मोडलिङ क्षेत्रमा करिब दुई वर्षदेखि सक्रिय छन् ।
फिल्मको हिरो छनोट भएतापनि हिरोईनको भने खोजिकार्य भईरहेको छ । निर्देशक आचार्यका अनुसारआउँदो हप्ताभरिमा हिरोइन पनि तय गरि उनीहरुलाई आवश्यक प्रशिक्षणका लागि पठाउने बताएका छन् ।
