२८ असार २०७४, बुधबार ०६:२४ 
<pre><b>असार, काठमाडौं । </b></pre><p><span style="text-align: justify;">चलचित्र</span><span style="text-align: justify;"> ‘सायद–२’ ले सेन्सर पास हुँदै पिजी सर्टिफिकेट पाएको छ । सेन्सर बोर्डका सदस्यले मंगलवार चलचित्र हेरिसकेपछि उक्त सिर्टफिकेट दिएका हुन् । अब यो चलचित्र १६ बर्ष भन्दा कम उमेरका दर्शले आफ्नो अभिभावकको साथमा मात्र हेर्न पाउनेछन् । चलचित्रलाई सुनिल रावलले निर्माण गरेका हुन् । </span><br></p><p></p><p style="text-align: justify; ">सुनिलले निर्माण गरेका यस अघिका ३ चलचित्र (सायद्, होस्टेल र होस्टेल रिटर्नस) ले पनि पिजी सर्टिफिकेट पाएका थिए । तिनवटै सफल मानिएका चलचित्रले पिजी सर्टिफिकेट पाउनु र अहिले पनि यो चलचित्रले सोहि सर्टिफिकेट पाउनुलाई सुनिनले लक्की सम्झिएका छन् । सुनिनले ‘सायद २’ ले पनि पिजी सर्टिफिकेट पाउँदा यसलाई हिट हुने सङ्केत को रुपमा लिएका छन् । चलचित्रका कुनै पनि दृश्य तथा सम्बाद काटिएको छैन ।</p><p style="text-align: justify; "> ‘सायद २’ लाई दुर्गिस फिल्मस्को ब्यानरले निर्माण गरेको हो । युवाहरुको कथावस्तुमाथि तयार भएको यो चलचित्रलाई पुष्पराज न्यौपानेले निर्देशन गरेका हुन् । चलचित्रमा सुशिल श्रेष्ठ, निशा कार्की, रुविना श्रेष्ठ, स्यारोन श्रेष्ठ, अमृत ढुंगाना, कुशल पाण्डे र सुशिल सिटौला लगायतले अभिनय गरेका छन्। सिनेमेटोग्राफर राजु विक्रम थापाले फिल्म खिचेका हुन् । चलचित्रको सम्पादन दिर्घ खड्का, द्धन्द्ध अष्ट महर्जन र कोरियोग्राफी गोविन्द राई र विक्रम स्वाँरले गरेका छन् । </p>
