‘रुद्र’को कथाले मागेपछि निखिललाई भिलेन बनाएका हौंः निर्देशक लामिछाने

९ श्रावण २०७४, सोमबार ०८:४६

<pre style="text-align: justify; ">आर्टिस्ट खबर/ साउन, काठमाडौं । </pre>यहि साउन १३ गतेबाट एक्शन अभिनेता निखिल उप्रेती ‘भिलेन’ को भुमिकामा रहेको चलचित्र ‘रुद्र’ देशब्यापी प्रदर्शनमा आउदैछ । अहिलेसम्म धेरै चलचित्रमा निखिललाई एक्शन अवतारमा मात्र देखेका दर्शकले यस चलचित्रमा ‘नेगेटिभ’ भुमिकामा देख्न पाउनेछन् । प्रदर्शन मिति नजिकिदै गर्दा चलचित्र युनिट यतिखेर प्रचारप्रसारमा तिब्र रुपमा लागेको छ ।चलचित्रमा निखिलको साथमा दुई नवकलाकार विश्व शर्मा र साराको मुख्य भुमिका रहेको छ । चलचित्रका निर्देशक राम जी लामिछानेले चलचित्रमा आफुले निकै मेहनत गरेको बताउदै आएका पनि छन् । उनी यो चलचित्रमा निखिललाई दर्शकले फरक भुमिकामा पाउदा पनि त्यतिकै मात्रामा रुचाउनेमा विश्वस्त छन् । ‘मलाई शुरुमा लागेको थिएन एक्शन हिरोले नेटेटिभ भुमिकामा यतिको गर्न सक्नुहुन्छ भन्ने कुरा, तर उहाले त सोचेभन्दा धेरै राम्रो गर्नुभएको छ ।’, निर्देशक लामिछानेले निखिलको भुमिकाको बारेमा बोल्दै भने । निखिललाई किन भिलेनकै रुपमा उतार्नु भो भन्ने प्रश्नमा रामजी भन्छन्— ‘हामीले शुरुमा नै निखिललाई भिलेनमै देखाउन पर्छ भनेर स्टोरी तयार पारेको होइनौं । स्टोरी पुरा भइसकेपछि यो भुमिकामा निखिललाई नै राम्रो हुन्छ भनेर मैले नै निखिल जीलाई अफर गरेको हुँ । कथाले मागे अनुसार निखिलले दिन सक्ने भएकोले मात्र उहाँलाई लिइएको हो । नयाँ अनुहारका नायक नायीका सँग स्क्रिन सेयर गर्नुपर्ने थियो र माया प्रेमको कुरा हुँदै गर्दा एक्शनको रुपमा पनि उत्रिनु पर्ने हुन्छ त्यसैले निखिले यो कथामा फिट हुनु भएको हो । नत्र अरु जो कोहि पनि हुन सक्थ्यो ।’<img src="http://artistkhabar.com/uploads/posts/6c97d9048ba5e3d290c27dc8513f854d1500885977.jpg" style="width: 320px; float: left;"> आज भन्दा सातबर्ष अघि चलचित्र ‘बिधाई’मा काम गरेका र केहि समय अघिमात्रै प्रदर्शन भएको निखिलको ‘भैरब’ मा पनि कोरियोग्राफिको काम गरिसकेका रामजीले ‘रुद्र’ को निर्देशन गर्न पाएका हुन् । आफुले निकै मेहनत गरेको बताएका निर्देशक रामजीले ‘रुद्र’ हेर्नुपर्ने पाँच कारणहरुमा भन्छन् — ‘पहिलो कारण त निखिल जी नै हो । किनकी निखिल उप्रेतीको चलचित्र भनिसकेपछि अन्य चलचित्र भन्दा केहि फरक अवस्य हुन्छ । अहिले पनि नेपालका बिभिन्न ठाउँका दर्शक निखिलको फिल्म भन्दै हलसम्म आउने गरेको पाउछौं । दोस्रो कारण चलचित्रको कथा हो । कथा लेखेन बलियो रहेको छ । प्रेमकथाको साथमा एक्शन रहेको यो चलचित्रमा निखिल र नायक विश्व बिच माया प्रेमकी कारण धेरै क्रोध पनि हुन्छ । तेस्रो कारण मनोरञ्जन हो । हामीले माया प्रेम र एक्शन मात्र होइन चलचित्रमा मनोरञ्जनको पाटोलाई पनि उत्तिकै ध्यान दिएका छौं । किनकी चलचित्र हलभित्र पुगिसकेपछि दर्शकलाई कुनैपनि सिनमा ‘बोर फिल’ नहोस् भन्ने हाम्रो चाहाना हो । चौथो कारण भनेको एक्शन हो । चलचित्र प्रेमकथामा आधारीत छ भनिरहदा एक्शन नभएको भने होइन । जब माया प्रेम हुन्छ त्यहाँ लडाई झगडा त भइहाल्छ । यसमा पनि निखिल र नायक बिचको द्धन्द्ध धेरै नै हेर्न पाइन्छ । र अर्को कारण भनेको नव—कलाकार पनि हुन् । पछिल्लो समय नव—कलाकारले अभिनय गरेको चलचित्रहरु धेरै राम्रा बन्दै गएका छन् जसमा ‘रुद्र’ पनि एकमा पर्छ । नयाँ कलाकार विश्व र साराले निकै उत्कृष्ट अभिनय गरेका छन् ।’यो भन्दा अघि केहि चलचित्रमा काम गरिसकेका निर्देशक रामजी ब्यावसहिक हिसाबमा सफल भएका छैनन् । त्यसैले पनि यो चलचित्रबाट उनले ठुलो आशा लिएका छन् । रामजीले डेढ दशक अघि ‘घातक’ चलचित्रमा काम गरिसकेका छन् भने । सोभित बस्नेतका केहि चलचित्रहरुमा सहायक निर्देशन पनि गरिसकेका छन् । साथै उनले आफुलाई पहिला कोरियोग्राफिको रुपमा परिचित गराई अहिले निर्देशकको रुपमा स्थापित हुँदैछन् ।आफ्नो चलचित्रको बारेमा अभिनेता निखिल उप्रेतीले पनि चलचित्र ‘रुद्र’ को पत्रकार भेटघाटमा आफुले फरक भुमिका निभाउन पाएकोमा खुसी ब्यक्त गरेका थिए । साथै उनले दर्शकले आफ्नो ‘रुद्र’ को अहिलेको भुमिका पनि उत्तिकै मन पराउनेमा विश्वस्त रहेको बताएका छन् । चलचित्र निखिल, विश्व, साराको साथमा ज्याक श्रेष्ठ, रोय दिप, ध्रुब कोइराला, भाष्कर वली, अनिल पाण्डे लगायतको अभिनय रहेको छ । चलचित्रका रामशरण कोइराला सहायक निर्देशक हुन् । समाचार हिमालय टाइम्स राष्ट्रिय दैनिकमा प्रकाशित छ ।<div style="text-align: justify; "> </div>