५ भाद्र २०७२, शनिबार ०१:५० 
भदौ, काठमाडौं । बक्स अफिसमा राम्रो रेकर्ड राखेको फिल्म ‘बाहुबली’लाई टक्कर दिन अर्को फिल्म ‘पुली’ आएको छ । भारतकै सर्वाधिक महंगो फिल्म भनिएको बाहुबलीले ५०० करोड भन्दा माथि कमाएर रेकर्ड राख्यो साथै फिल्ममा प्रयोग भएको इफेक्टले पनि राम्रै चर्चा पायो । बाहुबलीले बलिउडका तिन खानलाई नै पछि पारेको थियो । यसैक्रममा भारतका बिभिन्न मिडियामा उल्लेख समाचारलाई आधार बनाएर आर्टिस्ट खबरले बाहुबली जस्तै अर्को फिल्म पुली आएको समाचार प्रकाशित गरेको छ । कतिले यसलाई दोस्रो बाहुबली भनेर नाम पनि दिएका छन् ।
भारतिय सुपर स्टार बिजयको पुली फिल्मको ट्रेलर सार्वजनिक भएसँगै बाहुबलीलाई नै टक्कर दिने फिल्म भन्दै सामाजिक सञ्जालमा यतिखेर बिभिन्न चर्चा चल्न थालेको छ । १ मिनेट ५३ सेकेन्डको उक्त टे्रलरमा बाहुबलीमा प्रयोग भएजस्तै इफेक्टहरु देख्न सकिन्छ । जुन बाहुबली भन्दा कम छैन भन्ने लाग्छ । पुलीमा बिजयको साथमा श्रीदेवी, सुदीप, प्रभु, श्रुति हसन, हंसिका मोटवानी र नंदिता अहम किरदारको पनि अभिनय रहेको छ । पुली लाई चिंबू देवेनले निर्देशन गरेका हुन् । यो फिल्म हलिउड फिल्म द ग्लैडिएटर’ बाट प्रेरित भएको फिल्म हो ।
