२ चैत्र २०७४, शुक्रबार ०४:५८ 
<pre style="text-align: justify; "><b>चैत, काठमाडौं ।</b></pre><p style="text-align: justify; "> हाँस्य कलाकार तथा सामाजिक अभियान्ता जोडी सिताराम कट्टेल ‘धुर्मुस्’ र कुञ्जना घिमिरे ‘सुन्तली’ सम्मानित भएका छन् । प्रत्येकबर्ष नेपाली चलचित्र तथा सामाजिक कार्यमा योगदान पु¥याउँदै आएका कलाकारहरुलाई सम्मान गर्दै आएको साप्ताहिक रुपमा प्रकाशित हुँदै आएको फिल्मीपत्रिका ‘फिल्मी खबर’ले यो जोडीलाई ‘बर्ष ब्यक्ति’को रुपमा सम्मान गरेको हो । आफ्नो नवौ बाषिर्कोत्सवको अवसर पारेर यो जोडीलाई सम्मानित गरिएको हो । सम्मानित भएपछि सितारामले आफुहरुको कामलाई कदरगर्दै सम्मान गर्ने टीमलाई धन्यवाद दिए । साथै उनले नेपाली कलाकारीताक्षेत्रकै बरिष्ठ ब्यक्तिहरुबाट आफुहरुले सामाजिक कार्यगर्न सिकेको बताए । ‘हामीपनि यहि क्षेत्रका बरिष्ठ ब्यक्तिहरुको काम देखेर सिक्दै अगाडि बढेका हौं । हाम्रो कामलाई सबैक्षेत्रका ब्यक्तिहरुले साथ दिनुभएको छ त्यसैमा हामी खुसी छौं ।’ उनले भने ।</p><p style="text-align: justify; "><img src="http://artistkhabar.com/uploads/posts/0026cf3ea147490c776d016aa55f67021521176286.jpg" style="width: 1000px;"><br></p><p style="text-align: justify; ">साथै उनले कलाक्षेत्रमा रहेका सम्पुर्ण कलाकारहरुलाई आफुहरुको योजनामा प्रत्यक्ष तथा अप्रत्यक्षरुपले सहयोग गरिदिन अपिल समेत गरे । सितारामले आफुहरुको आगामि परियोजना ‘नमुना नेपाल’का लागी पनि सम्पुर्णलाई साथ दिन अपिल गरेका थिए । त्यस्तै कुञ्जनाले सम्मानले आफुहरुलाई अगाडि बढ्न उर्जा मिलेको बताइन् । सिताराम र कुञ्जनाको ‘धुुर्मुस–सुन्तली फाउण्डेशन’ले काभ्रे, सिन्धुपाल्चोक र रौतहट जिल्लामा ४ वटा एकिकृत नमुना बस्ती निर्माण गरिसकेको छ । <br></p><p style="text-align: justify; ">कार्यक्रमका प्रमुख अतिथि बरिष्ठ गायक तथा संगीतकार शम्भुजीत बास्कोटाले आफ्नो हातबाट धुर्मुस् सुन्तलीजस्तो स्वच्छ मन भएका कलाकार तथा समाजसेवीलाई सम्मान गर्न पाउँदा खुसी लागेको बताए । साथै उनले यो जोडी जसरी नै सम्पुर्ण कलाकारहरुले आ–आफ्नो तबरबाट राष्ट्रका लागी केहि दिनु जरुरी भएको बताए ।</p><p style="text-align: justify; "><br></p>
