कस्तो रहला अनमोल–सुहानी जोडी ?

<pre style="text-align: justify; "><b>आर्टिष्ट खबर/ जेठ, काठमाडौं ।</b></pre><p style="text-align: justify; "> नायक अनमोल केसी पछिल्लोसमय नेपाली चलचित्रमा सर्वाधिक खोजिने नायकमा पर्छन् । उनले अभिनय गरेका एकपछि अर्का चलचित्र हिट भइरहँदा उनको माग र व्यस्तता बढ्दै गएको छ । अनमोलले अहिलेसम्म सबै चलचित्रमा नवनायिकासँग काम गरेका छन् । अनमोलसँग काम गरेका अधिकांश नायकाको फिल्मीकरिअर पनि निकै राम्रो भएको छ । त्यसले गर्दा पनि अनमोलको चलचित्रमा काम गर्न नायिका हुरुक्कै हुने गर्दछन् । अनमोल अभिनित पछिल्लो चलचित्र ‘कृ’ ले पनि राम्रै चर्चा पायो । बक्स अफिसमा पनि राम्रो व्यापार गरेको यो चलचित्रमा अनमोलसँगै काम गरेकी नवनायिका अद्विती बुढाथोकीको पनि यतिखेर चलचित्रका लागि माग बढिरहेको छ ।&nbsp;<br></p><p style="text-align: justify; ">यस्तै, अहिले अनमोल आफ्नो छैठौं चलचित्र ‘क्याप्टेन’ को छायांकनमा व्यस्त छन् तर यो चलचित्रको काम पूरा नहुँदै अर्को चलचित्रका लागि सम्झौता गरिसकेका छन् । उनले ‘ए मेरो हजुर’ को तेस्रो सिरिजका लागि हस्ताक्षर गरिसकेका छन् । गत शनिबार निर्माता सुनिलकुमार थापा र निर्देशक झरना थापाले उनलाई साइन गराएसँगै यस विषयको अझै चर्चा चल्दै छ । अर्को कुरा त के छ भने अनमोलसँगै काम गर्ने नवनायिका सुहानी थापाको पनि चर्चा खुबै छ, किनकि सुहानी नायिका तथा निमार्ता झरनाकी छोरी हुन् । आउँदो भदौबाट झरनाको यो चलचित्रका लागि अनमोलले समय दिनेछन् । झरनाले आफ्नी छोरीलाई यसअघि पनि चलचित्रमा भिœयाउने कुरा बोल्दै आएकी थिइन् । उपयुक्त समय आएपछि चलचित्रमा आउनेछिन् भन्ने उनको बोलीले अनमोलसँगको कामलाई उपयुक्त ठहराएको बुझिन्छ ।&nbsp;</p><p style="text-align: justify; "><img src="http://artistkhabar.com/uploads/posts/1bddbce4e074db48d2776cd948de30ac1527581134.jpg" style="width: 800px;"><br></p><p style="text-align: justify; ">सबै चलचित्रमा नयाँ अनुहारका नायिकाहरूसँग काम गर्दै आएका अनमोललाई सुहानीसँग काम गर्दा दर्शकले कत्तिको मन पराउँछन् त्यो भने हेर्न बाँकी छ । झरनाले चलचित्र क्षेत्रमा आफ्नी छोरीलाई यो समयमा भिœउँदा कत्तिको फाइदा पुग्छ त्यो भने पछि नै देख्न पाइएला तर झरनाको यो रोजाइलाई धेरैले राम्रो रोजाइमा पनि हेरेका छन् ।</p><p style="text-align: justify; ">यस्तै, अनमोल र सुहानीको जोडीको चर्चासँगै अर्को कुरा अनमोलको पारिश्रमिको पनि चर्चा निकै छ । चलचित्रक्षेत्रमै महंगो पारिश्रमिक लिने नायकको रूपमा चिनिएका अनमोलले ‘ए मेरो हजुर–३’ का लागि ३० लाखभन्दा बढी पारिश्रमिक लिएको चर्चा चलेको छ तर आधिकारीकरूपमा यो कुरा बाहिर भने आइसकेको छैन ।</p><p style="text-align: justify; ">प्रेमकथामै रहने यो चलचित्र झरना थापाले नै निर्देशन गर्नेछिन् । अहिले चलचित्रको गीतसंगीत तयार पार्ने काम भइरहेको छ । यसअघि ‘ए मेरो हजुर–२’ अनमोलले नै काम गर्ने कुरा थियो तर पछि विभिन्न कारणले अनमोलले काम गर्न सकेनन् । यही कुराले झरना र अनमोलको बोलचाल बन्द भन्ने हल्ला चलचित्र नगरीमा व्याप्त थियो तर अहिले अनमोल चलचित्रमा काम गर्न राजी भएको देख्दा यी दुईको सम्बन्धमा कसरी सुधार आयो भन्ने पनि धेरै छन् ।&nbsp; चलचित्र सञ्जय लामाले खिच्नेछन् ।</p><div style="text-align: justify; "><br></div>