<pre style="line-height: 1.42857; text-align: justify;"><span style="font-weight: 700;">आर्टिष्ट खबर, भदौ, काठमाडौं </span><span style="font-weight: 700;">।</span></pre><p style="text-align: justify; ">चलचित्र ‘चङ्गा चेट’को ‘गोजीमा दाम छैन’ बोलको अफिसियल गीत सार्वजनिक भएको छ । अभिनेता आयुष्मान देशराज जोशी र अभिनेत्री प्रियंका कार्की अभिनित चलचित्रको उक्त गीत सोमवार राजधानीको एक कार्यक्रमका बीच सार्वजनिक गरिएको हो । राजनराजको संगीत रहेको गीतको शब्द हरिहर तिमल्सिनाले लेखेका हुन् । गीत राजनराज सिवाकोटी, मेलिना राई र ग्रिष्मा सिवाकोटी गाएका छन् ।</p><p style="text-align: justify; ">प्रविन सिंहको कोरियोग्राफी रहेको गीतको भिडियोमा अभिनेता रविन्द्र झासँग अभिनेत्री सुरक्षा पन्तको जोडी देख्न सकिन्छ भने कलाकार सन्दिप क्षेत्री र अभिनेत्री परमिता आरएल राणा जोडी छन् । त्यसतै रियल एवम रिल जोडी आयुष्मान र प्रियंका लाई देख्न सकिन्छ । गीतले चलचित्रको कथा प्रस्ट्याइएको छ । जो सँग पैसा छैन उसको कुनै काम छैन भन्ने कुरा गीतले बोल्छ । </p><p style="text-align: justify; ">दीपेन्द्र के. खनालले निर्देशन गरेको चलचित्र माधव वाग्ले र शर्मिला पाण्डे निर्माण गरेका हुन्। जर्बजस्ती हँसाउनका लागि अनावश्यक कुनै पनि संवाद र दृश्य नराखिएको र ‘चङ्गा चेट’ अरु बनिरहेका कमेडी चलचित्र भन्दा फरक रहेको निर्देशकको भनाई छ ।</p><pre style="text-align: justify; "><b> (भिडियो)</b></pre><p style="text-align: justify; "><iframe frameborder="0" src="//www.youtube.com/embed/x6VSYAOnf5M" width="640" height="360" class="note-video-clip"></iframe><br></p>