सलमान खानको सल्लाहमा बलिउड छिरेका अर्जुन कपूर सलमानको साथ छोडी किन लागे अजय देवगनको पछि ?

२९ भाद्र २०७५, शुक्रबार ०९:२९

<pre style="line-height: 1.42857; text-align: justify;">मुम्बई (एजेन्सी) ।</pre>बलिउड अभिनेता अर्जुन कपूर चलचित्र क्षेत्रमा आउनुमा सलमानको ठुलो हात रहेको छ । सलमानले एकाएक अर्जुनलाई अभिनेता बन्न सल्लाह दिँदा अर्जुन मात्रै नभई उनका पिता बोनी कपूर समेत आश्चर्य भएका थिए । शुरुमा त यी बाबुछोराले मजाक गरिरहेको सोचेका थिए । पछि सलमानले आफू गम्भीर रहेको बताए पछि सलमानकै सल्लाहमा अर्जुनले तौल घटाएर बलिउडमा अभिनेताको रुपमा करियरको सुरुवात गरे  ।बेलाबेलामा अर्जुनले आफु बलिउडमा हुनु  सलमानकै हात रहेको बताउने गर्छन् । हाल भने  यी दुवैबीचको सम्बन्ध पहिले जस्तो छैन । सलमानकै छत्रछायाँमा बलिउड छिरेका अर्जुनले सलमानको साथ छोडिदिएका छन्। अर्जुन कपूरको नाम अभिनेत्री मलाइका अरोराका साथ जोडिएपछि सलमान अर्जुनसँग रिसाएका छन् । सलमान खानका भाइ अरबाज खान र मलाइका अरोडाबीचको सम्बन्ध विच्छेद हुनुको कारण पनि अर्जुन र मलाइकाबीचको सम्बन्ध रहेको खबरहरु आएका थिए । <img src="http://artistkhabar.com/uploads/posts/887c65f3a12f9f548d30a22b6946d9fb1536918136.jpg" style="width: 675px;"> आफूबीचको सम्बन्धबारेमा  भने  अर्जुन र मलाइकाले कुनै पनि किसिमको प्रतिक्रिया जनाएका छैनन् । तर यी दुईबीचको निकटताको खबरको चर्चाबाट प्रष्टै थाहा हुन्छ कि दुवैबीच केही न केही त अवश्य पनि  छ । अर्जुनलाई यस विषयमा उनका पिता बोनी कपूरले पनि सम्झाएका थिए । तर अर्जुनले पिताको कुरालाई पनि मानेनन् । यही कारण सलमान अर्जुनसँग निकै रिसाएका छन् ।  अहिले अर्जुन कपूर अभिनेता अजय देवगनको संगत गरिरहेका छन् । केही समयअघिका हिट अभिनेता अजय देवगन पनि अर्जुनको करियरलाई माथि उकास्ने प्रयासमा लागेका छन् । अर्जुन कपूर अजयको हरेक सल्लाह मानिरहेका छन् । सलमान खानपछि अर्जुन कपूरको करियर सम्हाल्ने काम अभिनेता अजय देवगनले गरिरहेका छन् ।   निर्देशक राजकुमार गुप्ताले अर्जुनलाई अजयकै आग्रहमा चलचित्र  ‘इन्डियाज मोस्ट वान्टेड’ मा अभिनेताको रुपमा चयन गरेका छन् ।  यति चलचित्रको छायाँकंनको लागि अर्जुन नेपाल आएका थिए । यो मात्र नभएर अजयले अर्जुनलाई अर्को चलचित्रका लागि पनि छानेका छन् । उक्त चलचित्रको नाम भने खुलाइएको छैन् ।