चार सार्वजनिक पोस्टरमा ‘गोपी’

२६ मंसिर २०७५, बुधबार १०:१२

<pre style="line-height: 1.42857; text-align: justify;">मंसिर, काठमाडौं । </pre>चलचित्र 'गोपी' को पोस्टर रिलिज भएको छ । विपिन कार्कीको अभिनय रहेको 'गोपी'को चारवटा पोस्टरमध्ये सबैमा विपिनको उपस्थिति छ । एउटा पोस्टरमा मात्र चलचित्रका दुई अभिनेत्री वर्षा राउत र सुरक्षा पन्तलाई समावेश गरिएको छ ।आरोही केसीको लगानीमा दीपेन्द्र लामाद्वारा निर्देशित 'गोपी' मा विपिनले गाई पाल्ने किसानको भूमिका निर्वाह गरेका छन् । पोस्टरमा उनको पेशा झल्किने गरी गाई र दूधको क्यानलाई प्राथमिकता दिइएको छ । <img src="http://artistkhabar.com/uploads/posts/965f6959effd6f267b47784b3fac536a1544609388.jpg" style="width: 666px;"> पोस्टरको डिजाइन टौवा क्रियसनका विजय बस्यालले गरेका हुन् । एकैप्रकारको पोस्टर आइरहेका बेला फरक र मौलिक पोस्टर डिजाइन गर्न पाएकोमा बस्याल सन्तुष्ट छन् । उनी भन्छन्, ‘मलाई धेरैपछि मन परेको पोस्टर हो यो ।’ विपिनको सडक दुर्घटनाका कारण फिल्मको पोस्टर निर्धारित समयभन्दा पछाडि रिलिज गरिएको हो । विपिनलाई यसै हप्ता गाईफार्ममा लगेर फोटो सुट गरिएपछि मात्र पोस्टर तयार पार्न सकिएको निर्देशक लामाले बताए । उनले थपे, पोस्टरको कलर कम्बिनेसन र कलाकारहरुको भाव मलाई चित्त बुझेको छ ।<img src="http://artistkhabar.com/uploads/posts/e5f5f51f39a77659f884ece2df4eb6231544609399.jpg" style="width: 768px;"> आरोही इन्टरटेनमेन्टको ब्यानरमा बनेको चलचित्रमा पटकथा सामिप्यराज तिमल्सिनाले लेखेका छन् । त्यस्तै कार्यकारी निर्माता श्रीधर पौडेल, छायाँकार शैलेन्द्र डि कार्की र सम्पादक निमेष श्रेष्ठ रहेका छन् । चलचित्रमा विप्लव प्रतीक र बुद्धिसागरले लेखेका गीतलाई न्ह्यू बज्राचार्य, अर्जुन पोखरेल र कल्याण सिंहले कम्पोज गरेका छन् । पाश्र्व संगीत रोहित शाक्यको सुन्न सकिन्छ । चलचित्रमा प्रकाश घिमिरे, रमेश अधिकारी, अंकित खड्का, भोला सापकोटा, कमलमणि नेपाल, कुन्ती सिमाली, हिउँबाला गौतम, सरोज अर्याल, केशव राई लगायतले पनि अभिनय गरेका छन् । चलचित्रको प्रर्दशन मिति माघ १८ लाई तोकिएको छ । <img src="http://artistkhabar.com/uploads/posts/3dd6fbffc705fbcf3407800fc91e08421544609448.jpg" style="width: 666px;">