बलिउडमा डेब्यूका लागि १० लाख दिएको बारे रणवीरले मुख खोले

४ माघ २०७५, शुक्रबार ०७:०५

<pre style="line-height: 1.42857; text-align: justify;">मुम्बई , एजेन्सी ।</pre>अहिलेका सुपर स्टर बलिउड नायक रणवीर सिंह सफलताको शिखरमा पुगेका छन् । एकपछि अर्को लगातार हिट चलचित्रका कारण उनलाई लिएर चलचित्र बनाउन चाहने निर्माताको संख्या पनि धेरै छ । रणवीर यशराज ब्यानरको ‘ब्याण्ड बाजा बारात’ चलचित्रबाट बलिउडमा डेब्यू गरेका थिए । डेब्युकै लागि रणवीरले सो समयमा उक्त कम्पनीका मालिक आदित्य चोपडालाई १० लाख रुपैयाँ वुझाएको खबर सार्वजनिक भएको थियो ।रणवीरका पिताले छोरालाई यशराज ब्यानरबाट बलिउडमा डेब्यू गराउनका लागि १० लाख दिएको चर्चा चलेको थियो । यो बिषयमा ‘सिम्बा’ हिरोले मुख खोलेका छन् । रणवीरले भने–‘मेरो डेब्यूको समयमा यस्तो खबर फैलिएको थियो । मलाई यो सुनेर निकै दुख लागेको थियो । मलाई त्यो समयमा लागेको थियो कि, कोही मानिस यति ठूलो झुट कसरी लेख्न सक्छ ।’ रणवीरले अगाडि भने–‘मैले बलिउडमा प्रवेश गर्नका लागि ठूलै संघर्ष गरेको छु र यो कुरामा मलाई गर्व छ । नयाँ कलाकार मलाई म्यासेजमा आफूले पैसा जुटाएको र यशराजको ब्यानरबाट कसरी डेब्यू गर्न सकिन्छ भनेर सोध्ने गर्छन् । म उनीहरुलाई यो सबै झुटो कुरा भएको जवाफ दिन्छु ।’ रणवीरले सबैभन्दा पहिले त आफूमाथि नै भरोसा हुन आवश्यक रहेको सुनाए ।