१० माघ २०७५, बिहीबार ११:२५ 
<pre style="line-height: 1.42857; text-align: justify;"><span style="font-weight: 700;">आर्टिष्ट खबर/ माघ, काठमाडौं ।</span></pre><p style="text-align: justify;">चलचित्र ‘सानो मन’ को शुभ मुहूर्त गरिएको छ । अभिनेता आयुष्मान देशराज जोशी र अभिनेत्री शिल्पा मास्केको लिड अभिनय रहने चलचित्रको बिहीवार काठमाडौंको कमलादी स्थित गणेशस्थान मन्दिरमा मुहूर्त गरिएको हो । चलचित्रको छायांकन पनि मुहूर्तसँगै सुरु भएको छ । छायांकन काठमाडौं, भैरहवा, हङकङ र मकाउमा हुने चलचित्रका टिमले जानकारी दिएका छन् । चलचित्रलाई सुयोग गुरुङले निर्देशन गर्नेछन् ।<span style="font-family: Tahoma, Geneva, sans-serif;"> गुरुङ </span><font face="Tahoma, Geneva, sans-serif">यस चलचित्र</font><span style="font-family: Tahoma, Geneva, sans-serif;">लाई आफ्नो ड्रिम प्रोजेक्ट बताउँछन् ।</span></p><p style="text-align: justify; "><img src="http://artistkhabar.com/uploads/posts/ff4dbefba929b2ce264fe1fe1d2ca2db1548329001.jpg" style="width: 700px;"><br></p><p style="text-align: justify; ">'ओ.पि.जी. फिल्मस्' र 'ए प्लस इन्टरटेन्मेन्ट'को ब्यानरमा निर्माण हुने चलचित्रका निर्माताहरु योगेश गुरुङ, राजिव श्रेष्ठ र राजेन्द्र मानन्धर हुन् । समिर सुनवार र निर्देशक गुरुङको लेखनमा बन्न लागेको चलचित्रमा साजन सिंहको कोरियोग्राफी रहनेछ । कोरियोग्राफर सिंह बलिउड सुपरस्टार सलमान खानका ‘पर्सनल ट्रेनर’ हुन् । आयुष्मान र शिल्पाको अलवा गौरी मल्ल, विशाल पहारी, शिशिर वाङदेल, रश्मी भट्टलगायतका कलाकारहरुको अभिनय रहेको यस चलचित्रलाई आलोक शुक्लाले खिच्नेछन् । सुयोग सोताङको संगीत रहने चलचित्र म्यूजिकल लभस्टोरी जनरामा निर्माण हुनेछ । जसमा आयुष्मानले निर्वाण र शिल्पाले सानियाको भूमिका निर्वाह गर्नेछन् । ।</p>
