२९ माघ २०७५, मंगलवार ०५:५७ 
<pre style="line-height: 1.42857; text-align: justify;"><span style="font-weight: 700;">आर्टिष्ट खबर, माघ, काठमाडौं ।</span></pre><p style="text-align: justify; ">यस बर्षको प्रेम दिवस (भ्यालेन्टाईन डे)मा अभिनता प्रदीप खड्का र अभिनेत्री जसिता गुरुङले आफ्ना दर्शकलाई घाम जुन उपहार दिने भएका छन् । चलचित्र ‘लभ स्टेशन’को पहिलो गीत ‘चाहिँदैन घाम जुन’ को भिडियो दर्शकलाई भ्यालेन्टाईन उपहारको रुपमा प्रेम दिवसकै दिन बुढा सुब्बा डिजिटलबाट प्रदीप र जसिताले पस्कन लागेका हुन् । नयाँ वर्षको अबसर पारेर यी जोडीको नयाँ फिल्म लभ स्टेशन आगामी २२ चैतबाट देशव्यापी सिनेमा हलमा रिलिज हुँदैछ ।</p><p style="text-align: justify; "><img src="http://artistkhabar.com/uploads/posts/871e9dbb5037dc22a4482b86ac6a7eac1549951059.jpg" style="width: 800px;"><br></p><p style="text-align: justify; ">छायाँकनका लागि भियतनामको विश्वभर चर्चित लोकेशनमा गत साता छायाँकन गरिएको यो गीतको भिडियो अभिनेता प्रदीप र अभिनेत्री जसिताको अहिलेसम्मकै सुन्दर स्थानमा छायाँकन गरिएको भिडियो सावित हुने विश्वास गरिएको छ । गीत सुगम पोखरेल र रेश्मा पुनमगरले गाएका हुन् । जसमा दीपक शर्माको शब्द संगीत रहेको छ । गीत रिलिजको काउन डाउन बुढा सुब्बा डिजिटलबाट सुरु गरिसकिएको छ । गीतसँगै भिडियो पनि उत्कृष्ट बनेको यसका प्रस्तुतकर्ता गोविन्द शाहीले बताएका छन् ।</p><p style="text-align: justify; ">चलचित्रमा प्रदीप र जसितासँगै रमेश बुढाथोकी, प्रकाश शाह, रेशु भट्टराई, बिनोद कुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानासहितको अभिनय छ । उज्ज्वल घिमिरेले निर्देशन गरेको यो चलचित्र काफिया फिल्मस्को व्यानरमा काफिया शाही (क्रिसु) र कविरबिक्रम शाहीले निर्माण गरेका हुन् । यो चलचित्रको निर्माण नियन्त्रकमा राजेन्द्र रावल छन् । आलोक शुक्लाको छायाँकन रहेको लभ स्टेशनमा शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत छ ।</p><p style="text-align: justify; "><br></p>
