बलिउड फिल्ममा आर्यन र निता (ट्रेलर)

<pre style="text-align: justify; "><b>आर्टिष्ट खबर/ बैशाख, काठमाडौं । </b></pre><p style="text-align: justify; ">बलिउड चलचित्र ‘कडके कमाल’मा नेपाली नायक आर्यन अधिकारी र नायिका निता ढुंगानाको मुख्य भूमिका रहेको केहि समय अघि मात्रै समाचार सार्वजनिक भइसकेका थिए । नेपाली कलाकार बलिउडको चलचित्रमा काम गरेको यो भने पहिलो पटक होइन तर नेपाली कलाकारलाई मुख्य भूमिका दिएर बनाइएको यो पहिलो बलिउड चलचित्र हो ।<br></p><p style="text-align: justify; ">भारतको प्रतिष्ठित म्यूजिक कम्पनी जि म्यूजिक कम्पनीको युट्युब च्यानलबाट सार्वजनिक भएको ट्रेलर आर्यन र निताको कथामा घुमेको देखिन्छ । चलचित्रमा आर्यनसँग बलिउडका चर्चित कलाकार राजपाल यादवको मुख्य भूमिका रहेको छ । ट्रेलरमा अभिनेता आर्यनलाई कमेडी, एक्सन र रोमान्टिक अवतारमा देख्न सकिन्छ । चलचित्रको अधिकांश छायांकन नेपालमा भएको हो ।</p><p style="text-align: justify; ">नेपाली मितिअनुसार जेठ १० ( मे २४)बाट प्रदर्शनमा आउने तयारीमा रहेको यो चलचित्रमा भारतकी चर्चित कलाकार ऊषा नाडकर्णीको पनि अभिनय छ । एञ्जल श्रेष्ठ, दया शंकर पाण्डे, विजय पाटकर, राना जंग बहादुरलगायतका कलाकारहरुको पनि अभिनय रहेको फिल्मलाई लक्ष्मण सिंहले निर्देशन गरेका हुन् । नेपालको तर्फबाट आर्यन र निताको साथमा अन्य केहि नेपाली कलाकारले पनि अभिनय गरेका छन् ।</p><p style="text-align: justify; ">ऐतवारी सिंह निर्माता रहेको चलचित्रमा मुम्बईका निर्माता आशिष राजेको लगानी छ । निर्देशक सिंह र भि.के. सिंहले यसको कथा तयार पारेका हुन् ।&nbsp;</p><pre style="text-align: justify; "><b>video:
</b><iframe frameborder="0" src="//www.youtube.com/embed/VgC1wdSm3tE" width="640" height="360" class="note-video-clip"></iframe><b>
</b></pre><div style="text-align: justify; "><br></div>