‘ब्रेकअप’पछि ‘बैमानी बैमानी’मा नीता र आमेशको जोडी (भिडियो)

<pre style="line-height: 1.42857; text-align: justify;"><span style="font-weight: 700;">आर्टिष्ट खबर/ जेठ, काठमाडौं ।</span></pre><p style="text-align: justify; ">नायिका निता ढुंगाना र नायक आमेश भण्डारी पूर्वप्रेमि प्रेमिका हुन् । एक समय यी दुईको प्रेमचर्चा निकै सुनिन्थ्यो । यी दुईले पनि आफूहरु प्रेममा रहेको स्विकार्दै आएका थिए । तर पछिल्लो तीनबर्ष यता यी दुईको ‘ब्रेकअप’ भइसकेको छ । ‘ब्रेकअप’ पछि आ–आफ्नो तरिकाले काम गरिरहेको यो जोडीले लामो समय पछि एउटै भिडियोमा काम गरेका छन् ।</p><p style="text-align: justify; ">जीतु श्रेष्ठ र अनु अधिकारीको स्वरमा रहेको ‘बैमानी बैमानी’ बोलको गीतको भिडियोमा नीता र आमेश जोडी बनेका हुन् । भिडियोमा अभिनय गरेसँगै आमेश र नीताको प्याचअप (पुनर्मिलन) भएको खबरहरु पनि बाहिरिएका थिए । यद्यपी उनिहरु भने अहिले आफुहरु मिल्ने साथी भएको बताउँछन् ।</p><p style="text-align: justify; ">नायक भण्डारी आँफै गायक समेत हुन् । उनले यसअघि आफ्ना गीतहरुमा मात्र अभिनय गर्दै आएका थिए । नीताले अभिनय गर्ने भएपछि गीत पनि राम्रो भएको कारण पहिलो पटक अरुको गीतमा अभिनय गरेको उनले बताए । यसबाट नीता र आमेशबीच पुनः सम्बन्ध सुध्रिएको अनुमान लगाउन सकिन्छ । मिलन सुर्खेतीको संगीत रहेको यस गीतमा योगेन ढोलीको शब्द रचना रहेको छ । रोशन दाहालको छायांकन तथा सम्पादनमा बनेको भिडियो बिदुर सिवाकोटीले निर्देशन तथा कोरियोग्राफी गरेका छन् ।</p><pre style="text-align: justify; "><b>song:</b></pre><div style="text-align: justify; "><iframe frameborder="0" src="//www.youtube.com/embed/Obm8kw6DuPg" width="640" height="360" class="note-video-clip"></iframe><br></div>