‘प्रेमगीत ३’मा राजेशमा नरहनुको कारण यस्तो

१३ असार २०७६, शुक्रबार ०६:५४

<pre style="line-height: 1.42857; text-align: justify;">आर्टिष्ट खबर/ असार, काठमाडौं । </pre>नायक राजेश हमाल पछिल्लो समय चलचित्रमा देखिएका छैनन् । यसैक्रममा केहि समय अघिदेखी नयाँ चलचित्र ‘प्रेमगीत ३’ रहने हल्ला चलिरहँदा अन्तिम समयमा चलचित्र नगर्ने पक्का भयो र उनको ठाउँमा अभिनेता शिव श्रेष्ठ अनुबन्धित भइसकेका छन् । अभिनेता राजेशले आफूले समय दिन नसकेकै कारणले ‘प्रेमगीत ३’ अस्विकार गरेको बताएका छन् ।‘मलाई चलचित्र युनिटले तीन पटकसम्म भेट गर्नुभयो तर मैले नै समय दिन नसक्ने भएकाले सक्दिन भनेको हुँ ।’ राजेशले अन्तर्वार्ताको क्रममा भनेका छन् । ‘मलाई चलचित्रको स्क्रिप्ट राम्रो लाग्यो । तर, मैले उहाँहरुलाई छायांकन सुरु हुने बेला मेरो समय नमिल्ला कि भनेको थिएँ। किनकि, आजभोली मैले फिल्म नगरे पनि व्यस्तता झनै बढेको छ । यता को बन्छ करोडपति, क्युज लगायतका टिभी कार्यक्रमले पनि ब्यस्त बनाएको छ ।’ उनले आफूले पिताको रोल भएका कारण फिल्म छाडेको चर्चाको पनि खण्डन गरे। ‘एउटा कलाकारका लागि भूमिकाले अर्थ राख्दैन । हो, आफ्नो भूमिका कति शक्तिशाली छ भन्ने चाहिँ हुन्छ तर यो गर्ने त्यो नगर्ने भन्ने चाहिँ हुँदैन । मैले पिताको भूमिका भएकै कारण ‘प्रेमगीत ३’ छाडेको चाहिँ होइन’, उनले भने । <div style="text-align: justify; "> </div>