२० असार २०७६, शुक्रबार ०८:४४ 
<pre style="text-align: justify; "><b>गोपिकृष्ण चापागाईं/ आर्टिष्ट खबर/ असार, काठमाडौं । </b></pre><p style="text-align: justify; ">निर्देशक प्रदीप भट्टराई पछिल्लो समय नेपाली चलचित्रक्षेत्रका निकै ब्यस्त र नाम चलेका निर्देशक हुन् । ‘जात्रा’ चलचित्रबाट निर्देशकिय यात्रा सुरु गरेका प्रदीपले ‘शत्रुगते’ हुँदै ‘जात्रै जात्रा’ सम्म आइपुग्दा असफल हुनुपरेको छैन । यी तिनै चलचित्र बक्स अफिसमा राम्रो ब्यापार गर्ने र ५१ दिन मनाउने चलचित्रको लिस्टमा पर्न सफल भए । जसले गर्दा प्रदीपको प्रशंशासँगै ब्यस्तता बढ्यो । </p><p style="text-align: justify; ">अहिले प्रदर्शनरत चलचित्र ‘जात्रै जात्रा’ले यहि शनिबार (असार २१)बाट ५१ औं दिन मनाउँदैछ । यससँगै उनले ५१ दिन मनाउने चलचित्रबाट ह्याट्रिक गरेका छन् । निर्देशनका साना–साना पाटोलाई पनि निकै सुष्म तरिकाले केलाउने प्रदीपले कुनैपनि काम गर्नुअघि आफू निकै डराउने बताउँछन् । उनले काम गर्नुअघि डर भएकै कारण धेरै कुरामा ध्यान दिइने भएकाले काम राम्रो हुनेमा बिश्वास राख्छन् । उनी भन्छन् ‘मलाई कुनैपनि काम गर्नुअघि साह्रै डर लाग्छ । सायद सानैदेखी त्यस्तै माहोलमा हुर्किएको भएर होला । डर मान्नु स्वभाविक पनि हो जस्तो लाग्छ ।’</p><p style="text-align: justify; "><img src="http://artistkhabar.com/uploads/posts/0a74c7fc0dee3cc6d6bd9abe81daff6e1562316238.jpg" style="width: 1327px;"><br></p><p style="text-align: justify; ">उनी बिहीबार राजधानीमा घोषणा गरिएको ‘<a href="http://artistkhabar.com/slide/9201" target="_blank"><font color="#0000ff">कमेडी च्याम्पियन’</font></a> टेलिभिजन शोको जज मध्येका एक हुन् । आफूले पुनः एकपटक टेलिभिजनको पर्दामा फर्किएको उनले बताए । उनले सुरुवातका दिनदेखीनै आफ्र्नो नामको अगाडी निर्देशक नछुटेको तर यसपटक त्यो मेटिन लागेपनि ग्रहदशा नलागोस् भन्छन् । ‘अहिले नामको अगाडी निर्देशक मेटिदै छ तर यो कुराले ग्रहदशा चाँही नलागोस् । पक्कै राम्रो हुनेछ ।’ प्रदीपले भने । ‘जज बस्नु निकै गाह्रो काम पनि हो । मेरो बिचारमा पहिलो जज दर्शकनै हुनुहुन्छ । हामीले राम्रो प्रतिभा बाहिरिनु हुँदैन भन्ने कुरालाई ध्यान दिनेमात्र हो जस्तो लाग्छ ।’</p><p style="text-align: justify; ">‘कमेडी च्याम्पियन’मा उनीसँगै जजको रुपमा बरिष्ठ अभिनेता सन्तोष पन्त, हाँस्य अभिनेता मनोज गजुरेल र नायिका ऋचा शर्मा छन् । हँसाउने बिधालाई पेसा बनाउन चाहानेहरुका लागी अवसरको रुपमा ‘कमेडी च्याम्पिएन’को बिहीबार घोषणा गरियो । यस प्रतियोगीता आगामि भदौबाट कान्तिपुर टेलिभिजनमार्फत प्रसारण हुनेछ ।</p><p style="text-align: justify; "><a href="https://www.youtube.com/watch?v=STumzpAFkxU" target="_blank" style="background-color: rgb(255, 0, 0);"><font color="#0000ff"><b>Click Here for Video</b></font></a></p>
