१४ मंसिर २०७२, सोमबार ०७:४३ 
मंसिर १४, काठमाडौं । नेपाल माथि दुईमहिना यता भारतले लगाएको अघोषित नाकाबन्दीका कारण नेपाली जनताले निकै नै कष्ट भोग्नु परेको छ । नेपालमा भारतीय प्रधानमन्त्री नरेन्द्र मोदी बिरुद्ध चौतर्फि बिरोध भईरहेको बेला आईतबार भृकुटिमण्डप पुग्दा एकजनाले खुल्ला मञ्चबाटै कडा चुनौती दिइरहेका थिए ।
हाम्रो त खुकुरी समाउने हात चिलाउन थाल्यो, के तिम्रो पनि गर्धन चिलाएको हो ?
हरेक नेपाली गर्भमै तिखारिएको काँडा हो,
निल्न नखोज घाँटीमा अड्कीन सक्छ,
हरेक नेपाली आफैँमा एटम बम हो,
आवश्यकता पर्नासाथ पड्कीन सक्छ ।
यस्ता शब्द प्रयोग गर्दै मोदीलाई गाली गर्दा अगाडिका सयौं दर्शकले तालि पिटेका थिए । यसरी निर्धक्क मोदीमाथि यस्ता शब्द प्रयोग गर्दै कडा चुनौती दिने अरु कोहि नभएर हाँस्यब्यंग्य क्षेत्रका चर्चित कलाकार राजाराजेन्द्र पोख्रेल नै थिए । हजारौं दर्शक अगाडि नेपालमा बिभिन्न राजनितिक दलका नेताहरुलाई ब्यंग्यप्रहार गर्न खप्पिस पोख्रेल आईतबार भने भारतीय प्रधानमन्त्री माथि खनिएका थिए । उनले कविताको माध्यमबाट मोदीमाथि यस्तो कडा चुनौती दिएका थिए । जुन हामी तलको भिडियोमा पनि हेर्न सक्छौं ।
