१५ मंसिर २०७२, मंगलवार ०४:३१ 
मंसिर १५, काठमाडौं । गाउँघर बाट शहर तिर लाग्ने परिवेश पछिल्लो समय बढेको देखिन्छ । गाउँघर तिर दुखको जीवन हुने भन्दै शहरको सुखको जीवन खोज्नेहरु धेरै हुन्छन् । गाउँको र शहरको कुराहरुलाई जोडेर गायिका मुना थापामगर र गायक किशोर लम्सालको सुमझुर स्वरमा एक लोक दोहोरी गित बजारमा आएको छ । शहरको जीवन भन्दा गाउँकै जीवन ठिक भन्दै रमाइलो शब्दहरुका साथमा बनाईएको सो लोकगितबाट सकारात्मक सन्देश जाने देखिन्छ ।
संगम डिजिटलको प्रस्तुतीमा किशोर लम्सालको गाउँकै जीवन ठिक छ बोलको उक्त गितमा गायिका मुना थापा मगर र किशोर लम्सालको मिठास स्वरले अझ राम्रो भएको देखिन्छ । लाखौं दर्शक तथा स्रोताको मनमुटुमा बसेकी गायिका मुना मुनालाई सामाजिक सञ्चालमा पनि ११ लाख भन्दा बढि शुभचिन्तकले साथ दिएका छन् ।
सार्वजनिक गितमा लय तथा शब्द भने सागर बिरहीको रहेको छ । करिब डेढ सय भन्दा बढि गितमा लय भरिसकेका सागरले अहिले यसगितलाई दर्शक तथा स्रोताले मन पराउनेमा बिश्वस्त देखिन्छन् । आर्टिस्ट खबरसँग कुरा गर्दै सागरले पछिल्लो समय गाउँघर छोडेर शहर पस्ने प्रवृति बढिभएकोले पनि सकारात्मक सन्देश दिनखोजेको बताए । भिडियोमा चर्चित कलाकार गणेश उप्रेती, रञ्जिता गुरुंग र धन बहादुर खड्काको अभिनय रहेको छ । प्रकाश भट्टको निर्देशनमा तयार भएको सो भिडियोलाई करन चैसिरले खिचेका हुन् भने बिष्णु शर्माले सम्पादन गरेका हुन् ।
