९ श्रावण २०७६, बिहीबार ११:०६ 
<pre style="line-height: 1.42857; text-align: justify;"><span style="font-weight: 700;">आर्टिष्ट खबर/साउन, काठमाडौं ।</span></pre><p style="text-align: justify; ">गायक रामजी खाँणले ‘राष्ट्रिय साधना म्युजीक अवार्ड’बाट उत्कृष्ट लोक गायकको अवार्ड पाएका छन्। नेपाली लोक तथा दोहोरी गीतको क्षेत्रमा डेढ दशकदेखी निरन्तर लागिरहेका उनले अहिलेसम्म ८ हजार भन्दा बढी लोकगीतमा आफ्नो स्वर दिइसकेका छन् । रामजीले यसबर्षको ‘ढल्के बरे’ गीतबाट सर्वोत्कृष्ट गायकको अवार्ड उचाल्न सफल भएका छन् । उत्कृष्ट पाँच मनोनयमा परेका रामजीले अन्य चार गायकलाई पछि पार्दै यो अवार्ड जितेका हुन्। </p><p style="text-align: justify; ">गएको सोमबार राजधानीको राष्ट्रिय सभागृहमा सम्पन्न ‘राष्ट्रिय साधना म्युजिक अवार्ड’ पुर्वमन्त्री तथा संघीय सांसद पम्फा भुसालको प्रमुख आतिथ्यतामा सम्पन्न भएको थियो । जम्मा ३८ बिधामा प्रदान गरिएको यस अवार्ड ग्रहण गर्दै रामजीले आयोजक टिमलाई धन्यवाद दिए । उनले आफ्नो गीतको मुल्यांकन गर्दै अवार्ड दिन योग्य ठहरिएकोमा जुरी परिवारलाई पनि धन्यवाद ब्यक्त गरे । रामजीले अहिलेसम्म लोकगीत बिधाकै दुई दर्जन बढी अवार्ड हात पारिसकेका छन्। </p><p style="text-align: justify; ">स्याङ्जा जिल्ला चापाकोट नगरपालिका वडा नं ४ मा जन्मिएर कर्मथलो काठमाडौं बनाएका रामजीले अहिलेपनि करिब दिनैपिच्छे एक गीत रेकर्ड गराएकै हुन्छन्। रामजी अहिले एपिवान टेलिभिजनमा प्रसारण भइरहेको ‘नेपाल लोक स्टार’का जज मध्येका एक पनि हुन्।</p><p><br></p><p><br></p>
