२ भाद्र २०७६, सोमबार ०३:१० 
<pre style="line-height: 1.42857; text-align: justify;"><span style="font-weight: 700;">आर्टिष्ट खबर/ भदौ,काठमाडौं ।</span></pre><p>सर्वोच्च अदालतले निर्माता छविराज ओझाकी श्रीमती तथा अभिनेत्री शिल्पा पोखरेललाई तत्काल पक्राउ नगर्न आदेश दिएको छ । काठमाडौं जिल्ला अदालतले पक्राउ गरि कारबाही अगाडि बढाउन दिएको आदेशविरुद्ध शिल्पा उच्च अदालत पुगेकी थिइन् । तर, उच्च अदालतले जिल्ला अदालतको आदेशलाई सदर गरेपछि उनी सर्वोच्च पुगेकी हुन् । <br></p><p><img src="http://artistkhabar.com/uploads/posts/8f8ff3c254986d04c7240a9ea95c45a81566184231.jpg" style="width: 900px;"><br></p><p>आइतबार प्रधानन्यायधीश चोलेन्द्र शम्शेरको इजलासले उनलाई तत्काल पक्राउ नगर्न अल्पकालीन आदेश दिएको हो । निर्माता ओझाकी जेठी श्रीमती हेमा ओझाले साउन पहिलो हप्ता महानगरीय प्रहरी वृत्त गौशालामा छवि र शिल्पाविरुद्ध बहुविवाहको उजुरी हालेकी थिइन् । दुईलाई तत्काल पक्राउ गरि कारबाही गर्न उनको माग थियो । </p><p>हेमाले बहुविवाहको उजुरी हालेपछि काठमाडौं जिल्ला अदालतले शिल्पा र छविलाई पक्राउ गर्न आदेश दिएको थियो । त्यसपछि फरार भएकी अभिनेत्री पोखरेलले आफूलाई पक्राउ नगर्न माग गर्दै ‘निषेधाज्ञा आदेश पाऊँ’ भन्दै साउन १६ गते अभिवक्ता रमेश गुराँगाईमार्फत् उच्च अदालत पाटनमा निवेदन दिएकी थिइन् । तर, उच्च अदालतले जिल्ला अदालतकै आदेशलाई सदर गर्यो । </p><div><br></div>
