‘चुरीफुरी’को अडिसनमा दुई सय बढी नवप्रतिभा

<p style="text-align: justify; "><b>आर्टिष्ट खबर/ मंसिर, काठमाडौं । </b></p><p style="text-align: justify; ">निर्देशक ऋषिराज आचार्यको निर्माण र निर्देशनमा बन्न लागेको नयाँ चलचित्र ‘चुरीफुरी’ ले कलाकार छनौट कार्य सुरु गरेको छ । पहिलो चरणको अडिसन शुक्रबार आरबि मुभीजको कार्यालय, चक्रपथमा सम्पन्न भयो । स्क्रिप्टले नयाँ अनुहार माग गरेकाले अडिसन गरेर कलाकार छनौटको प्रक्रिया सुरु गरिएको जानकारी निर्देशक आचार्यले दिएका छन् ।&nbsp;<br></p><p style="text-align: justify; ">आचार्यकै लेखन रहेको चलचित्रका लागि गरिएको अडिसनमा झण्डै दुई सय नव प्रतिभाले अडिसन दिएका थिए । पहिलो चरणको अडिसनमा केही प्रतिभाशाली प्रतिभा छनौट भएको आचार्यले जानकारी दिए । उनले ‘चुरीफुरी’ का लागि प्रमुख अभिनेता, अभिनेत्री तथा सहकलाकार समेत आबश्यक रहेकाले दोश्रो चरणको अडिसन पनि गरिने बताए । अडिसनमा सहभागी युवायुवतीले आफूमा निहित बिबिध प्रकारका अभिनय क्षमता प्रस्तुत गरेका थिए ।&nbsp;</p><p style="text-align: justify; ">केही दिनपछि हुने दोश्रो चरणको अडिसनपछि सम्पूर्ण कलाकार छनौट हुने बिश्वास आचार्यले लिएका छन् । बिदेशमा रहेका इच्छुक प्रतिभाले भिडियो क्लिप्सबाट अडिसन दिन सक्ने ब्यबस्था मिलाइएको छ। पहिलो चरणको अडिसनमा निर्देशक ऋषिराज स्वयम्का साथमा संचारकर्मी तथा निर्देशक लक्ष्मण सुवेदी अतिथि निर्णायकका रुपमा थिए ।</p><p style="text-align: justify; ">‘मिस्टेक’, ‘सपना तिम्रो मेरो’, ‘सुन्तलीलाई भगाइ लग्यो झिल्केले’ र ‘ड्रिम गर्ल’ फिल्म निर्माण गरिसकेका आचार्यकोे ‘चुरीफुरी’ को छायांकन मंसिर तेश्रो साताबाट सुरु हुने बताइएको छ । कमेडी जनराको फिल्म आरबि मुभीजकै ब्यानरमा निर्माण हुदैछ ।&nbsp;</p><div style="text-align: justify; "><br></div>